Kalaallit Nunaanni wellness tourism takornartaanngilaq – ilami wellness tourismimik taaneqaarsinnaasunik arlalissuarnik neqerooruteqartoqareerpoq.
Nunani tamalaani takornartitsinermi ‘Wellness’ alutorineqaraluttuinnarpoq. Qulaanili allassimasutuinnaq takorloortariaqanngilaq.Wellness tourism sunarpiaanersoq qanorlu ililluni Kalaallit Nunaannut attuumassuteqarsinnaanersoq uani allaaserisami misissorneqarpoq.
Wellness tourism tassaavoq peqqinnissaq iluarusunnissarlu siunertaralugu angalaneq. Ornigarneqarnerusarput spami eqqissisimaartarfiit, sulinngiffeqarnermi fitnesserfiit, peqqinnartunik nerinissamik ileqqullit.
Wellness tourismimut ilanngullugu timikkut iluarusunnissaq kisiat pinnagu aamma tarnikkut iluarusunnissaq, takornariaqarfinnit amerlasuunit anguniarneqartarpoq. Iluarusulluni sulinngiffeqarnertut ullumikkut taamaammat taaneqarsinnaavoq, meditererfissaq, tarnikkut isumassarsiullaqqinnikkullu tikeraat killeqarfiinnik nikisitsiffiusinnaaneranik periarfissiisoq.
Taamatut takornariartitsisarneq taaneqakkajuppoq transformational travel, imatut paasillugu, takornariartoq amerlanertigut arlaatigut timikkuinnaanngitsoq aammali tarnikkut allanngornissaminik ujartuisuusoq. Yogartarneq, assersuutigalugu, tamakkiinerusumik imminut maluginiarnermut aqqutaasinnaavoq, illoqarfinnilu najugalinnut nersutaateqarfinnut takornariarneq tupaallannassalluni puigunaatsoq.
Wellness tourismimut ilanngullugu timikkut iluarusunnissaq kisiat pinnagu aamma tarnikkut iluarusunnissaq, takornariaqarfinnit amerlasuunit anguniarneqartarpoq.
Continues further down the page...
(…)
Qulaani nassuiarneqartutut wellness tourism tassaannaasariaqanngilaq mediterertarniarluni imaluunniit spami kinisimaartarniarluni sulinngiffeqarneq.
Kalaallit Nunaannili takornariartitsisartunut wellness tourismip isumaa paasititsissutiginiarsinnaavarput? Kalaallit Nunaat misigisassarsiorlutik takornariarfissatsialaavoq (adventure tourism) – tikeraanullu aaqqissuussaqarluarluni – taava qanoq ililluta takornariat arriilliiminissaannik imaluunniit uninngavissornissaannut periarfissillugit aaqqissuisinnaavugut?
Qulaani nassuiarneqartutut wellness tourism tassaannaasariaqanngilaq mediterertarniarluni imaluunniit spami kinisimaartarniarluni sulinngiffeqarneq. Takonariarnermi kulturi pinngortitarlu ilanngukkaanni arlaatigut takornariamut allanulluunniit pitsaasumik allannguutaasinnaasumik, taava wellness tourismimut assersuutaasinnaassaaq.
Tamatumuuna “wellnessip iluataarutaanik” ilanngaalaarnissatsinnut amerlaqisunik periarfissaqarpugut. Wellness tourismip nutaamik nassuiartalerneratigut misigisassarsiornertut isigineqarsinnaavoq – tassami tarnikkut allannguutaallunilu kulturimut pinngortitamullu atassuteqarneruvoq, tamannalu Kalaallit Nunaanni takornariaqarnermi anguniagaareerluni.
Assersuutit tamakkua wellness tourismimut neqerooruteqarsinnaasugut takutikkaluaraat, iluarusullutik takornariarusuttunut neqeroorutissanik suli inerisaasoqarlunilu nutaanik pilersitsisoqarsinnaalluarpoq. Nunani allani wellness tourismimut atatillugu pilersitat isumassarsiorfigineqarsinnaapput.
SuperShe tassaavoq Finlandimi qeqertamik immikkoortumik piseriarluni arnaannaat tammaarsimaarfissaattut aaqqissuunniagaq. Tassani akornusersorneqarani iluarusunnissamut arnat nunarsuatsinni tamaneersut ulluinnarni inooriaasertik qimallugu imminnut atassuteqarfiginissaannik periarfissiipput.
Qeqertami tassani spa kiisalu Finlandimiutut sauna neqeroorutaapput kiisalu yoga, meditation, iganeq kiisalu pinngortitami aaqqissuussat periarfissaallutik.
“Anguniagaraarput SuperShe Island tassaassasoq inuusullinartoq, arnat toqqissillutik imminnut nassaareqqiffissaat namminnerlu nuannarisaminnik nassaarinniffissaat. Tassani akornusersorneqarnak nukissannik katerseqqissinnaavutit,” SuperShemik pilersitsisoq, Kristina Roth, oqarpoq. “Suut tamaasa qimakkallarusukkaanni, ‘nunarsuatsinni avinngarusimanerpaamiinneq’ ilaanni iluaqutaasarpoq.”
(…)‘avinngarusimanerpaaq’ tassaavoq suut tamaasa qimallugit qimaaffigisinnaasatut nunarsuatsinni tulluarnerpaaq.
SuperShe qeqertamiikkami kiisalu Baltikummip imartaaniit toqqoqqalluni avinngarusimanerpaamiippoq. Tamanna sumiiffimmut atatillugu avinngarusimavoq (avaanngunartumik isumaqartinnagu!) – ‘avinngarusimanerpaaq’ tassaavoq suut tamaasa qimallugit qimaaffigisinnaasatut nunarsuatsinni tulluarnerpaaq.
“Avinngarusimanerpaaq” piumaneqartoq immaqa nunarsuatsinni allaniit Kalaallit Nunaannut tulluarnerpaavoq. Kalaallit Nunaat avinngarusimanerpaatut makkua tulluaqutigai: nunaqarfeeraqarpoq sunit tamanit soorlu attaveerunnikutut ittunik, alianaatsunik, orpeqanngitsunik najugaqarfigineqanngitsunik isorartuunik, sinariak tamaat atuarlugu qeqertarpassuaqarluni kiisalu kangerloqarluni soorlu inunnit tikinneqarnikuunngitsutut ittunik.
Nunaat allanit tulluarneroqaaq
Kalaallit Nunaanni sumiikkaluaruttaluunniit arlaata ‘avinngarusimanerpaatut’ taagaluarpagu tulluarsinnaavoq. Wellness tourism aqqutigalugu tammaarsimaarluni iluarusuffiusinnaasutut Kalaallit Nunaat allanit tulluarneroqaaq. Kalaallit Nunaata taamatut inissisimanera wellness tourismimut atatillugu neqeroorutinik nittarsaaniarnermi atorluartarsiuk.
The Bands taassaavoq illunik titartaasartutut ilinniartut umiarsualivimmi saunaliaat, nunap isikkoreriigaanut tulluarsagaq.
Taassuma ilusaa qisunnik sanaanik pingasunik immikkoortutut ittunik sanaajuvoq, tassanngaanniit qaarsoq aqqusaarlugu imaq tikitassaavoq. Ilusilersuinikkut immap qaarsunut qaartarnera ilaarneqarsimavoq.
Qisunnik ilusilersukkat taakkua iluanniipput sauna, aneerasaartarfik taqussanik neriffiusinnaasoq kiisalu kissartumik uffarfik appasissoq, tamarmillu Norgemi qaqqarasaartumik isikkiveqarlutik. Immikkoortut pingasut tamarmik aneerasaartarfiup sinaanut tassanngaanniillu immamut aqquteqarput, tamanna aamma aalisakkanik pisareqqaanik passussiffiusinnaavoq.
Ilusilersuisut ilaata nassuiaaneratut, “Suliarput talittarfiup sinaaniippoq, nunap ilusereriigaanut tulluarsarniarlugu kiisalu toqqaannartumik imaanut aqquserniarlugu.”
Pingasoqiusamik ilusilersuinikkut tamaani nunap isikkoreriigaa ilusilersuisut atorluarnikuuaat.
Pingasoqiusamik ilusilersuinikkut tamaani nunap isikkoreriigaa ilusilersuisut atorluarnikuuaat. Qaarsumi sananiarneq ajornakusoorpoq (tamanna kalaallit nalunngilaat!)), uanili ilusilersuisut tamanna iluaqutissatut atornikuuaat.
Wellness tourismimut atatillugu pinngortitamut atasuunissaq, uani nunap isikkoreriigaanut uiggiussinermikkut iluatsissimavaat.
Kalaallit Nunaanni immikkuullarissumik nuna isikkoqarnera takornariat siullertut pissutigisarpaat – taamaammat nammineq nioqqutissannik inerisaaninni nunap isikkoreriigaata atorluarnissaa eqqarsaatigisaruk. Pinngortitap tunissutigeriigai atorluakkit.
Aurora Retreat suut tamaasa qimallugit avinngarusimasumiikkami taaguutiminut tulluarpoq. Tammaarsimaarfiliartilluni eqqissilluni iluarusussinnaaneq qularineqarsinnaanngilaq, taamaakkaluartoq Sverigep avannaarsuani inooriaatsimut atatillugu ileqqut pikkunarlutillu naalliuperaarnarsinnaasut takornariat aamma misigerusuttarpaat. Tamaani inuuniarneq pisariunngilaq kisiannili maannarpiaq pisut pillugit eqqarsarsinnaasutut misiginissamut pinngortitamullu atasumik iluarusussinnaaneq misigitillugit, tunngaviusumik pisariaqartitat kisiisa isumagalugit inuusoqarsinnaavoq.
Tammaarsimaarfimmi ulluinnarni isumagisassanut ikiuuttarlutik takornariat aamma apusiutinik, sisoraatinik ujakkaarutinik kiisalu sikumi aalisarnermik sukisaarsaateqarsinnaapput, pinngortitamilu uumasoqaqimmat sammisassaaleqinanngilaq.
Tammaarsimaarsimaafik tikivillugu aqquteqanngimmat avinngarusimasumiinneq nalunanngilaq – kilometerilu kingulleq apusiuserluni ingerlaarfissaalluni.
Tamaani inuuniarneq pisariunngilaq kisiannili maannarpiaq pisut pillugit eqqarsarsinnaasutut misiginissamut pinngortitamullu atasumik iluarusussinnaaneq misigitillugit, tunngaviusumik pisariaqartitat kisiisa isumagalugit inuusoqarsinnaavoq.
Kalaallit Nunaanni takornarialerisut takornariat iluarusunnissaannik aaqqissuerusuttut tamanna ilisimasariaqarpaat. Iluarusunneq akimanernut atatinneqakkajukkaluartoq, iluarusunnissamullu Kalaallit Nunaanni aaqqissuussat akimanernut sammitinneqartaraluartut taamaattariaqanngilaq.
Kalaallit Nunaanni pinngortitaq nammineq alutornartoqarpoq, inooriaaserlu pikkunarsinnaasoq takornariat inooriaasaanniit allaaneroqisoq unammillernartinneqartaarluni. Iluarusukkusullutik takornariat assamik ipertinnissaat qunugisanngimmassuk eqqaamajuk, naak pissutsit naleqquttut pisariaqartinneqaraluartut, atassuteqaqatigiinneq allannguuteqarnermillu misigineq, akimanertut aaqqissuussivigineqarnissamit pingaartinneqarnerusarput.
Iluarusukkusullutik takornariat akimanertut aaqqissuussivigineqarnissartik ujartorneq ajorpaat, immikkuullarissunilli misigisassarsiortarlutik – taamaammat immikkuullarissunik misigitittarsigit.
Iluarusukkusullutik takornariat akimanertut aaqqissuussivigineqarnissartik ujartorneq ajorpaat, immikkuullarissunilli misigisassarsiortarlutik – taamaammat immikkuullarissunik misigitittarsigit.
Allaaserisami uaniinnarluunniit takusinnaavarput wellness tourism inuussutissarsiutitut ineriartortuartoq. Taamaakkaluartoq alutorineqarnerpaat malinnaaffiginissaannut periarfissarpassuaqarputit.
Skiftip Wellness pillugu nutaarsianik naqitassiaa pisartagariuk, nunarsuatsinni pissutsit aallaavigalugit wellness pillugu niuernikkut nutaarsiassat kingulliit tassani ilanngunneqartarput.
Wellness Tourism Worldwide aqqutigalugu siunnersuutinik pissarsisinnaavutit nunarsuatsinnilu wellness tourism pilllugu oqallinnerit takusinnaallugit.
Allanngornissamut isumassarsiorusuttut aallaavigalugit wellness tourism ullumikkut tassaanerulerpoq, inuup ataatsip ornitamini arlaatigut iluaqutaalluni nammineq iluaallannissaa eqqarsaatigalugu takornariartitsineq.
Takornariat tarnikkut pissutsinik ilisimasaqarnerujartornerisa, taamaalillunilu nammineq sunniuteqarsinnaanerup paasiartuaarnerata, pissutissaqarluartumik piujuartussamik allanngueqataarusunneq annertusiartortippaa – taamatullu takornariat misigisassarsiortarnerat imminnuinnaq eqqarsaatiginatik aammali tikiffimminnut taakkunanilu inuiaqatigiinnut iluarusunnartuunissaat anguniarneqartarpoq.
Takornariaqarneq inuit avatangiisillu eqqarsaatigalugit annertusaqqinneqarsinnaasoq – nungusaataaginnarani – tamatuma uppernarsarpaa. Taamatut isigissagaanni wellness tourism nungusaataanngitsumik akisussaaffilimmillu takornariartitsisarnissamut tapertaalluarsinnaavoq.
Wellness tourism taamatut isigigaanni assigiinngitsorpassuartigut sunniuteqarsinnaasoq paasineqarsinnaavoq. Ataqatigiissinnaanermut, inuiaqatigiinnut inuillu imminnut qanoq naapeqatigiittarnerannut annertusiartuinnartumik tamanna sunniuteqariartorpoq.
Wellness tourism takornariat akornanniinnaq atassuteqarfigeqatigiittarnermut atuugani ullumikkut aamma takornariat tikitaannilu najugallit akornanni atassuteqarfigeqatigiittarneq eqqumaffigineqarluni.
Taamaalilluni wellness tourism takornariaatsinut allanut soorlu slow tourism aamma akisussaassusilimmik takornariartarneq ilanngullugit, akornusersuutaanngitsumik takornariaqarniarnermut tapeeqataapput.
“Wellness Travelimut ilaapput takornariarneq, atassuteqaqatigiinneq, allanngorneq kiisalu iluarusulerneq, taakkualu inunnut, taakkua kulturiinut pinngortitamullu pitsaasumik sunniuteqartitsiniaanermut iluaqutaallutik”
Wellness tourism taamatut nassuiaateqartillugu akornusersuutaanngitsumik takornariaqarnermut periaatsinik Visit Greenlandip aaqqissuinerani, aammali sumiiffinni takornarialerisut nutaanik pissanganartunillu nioqquteqalersinnaapput, nunarsuatsinni tamani wellness tourismip alutorineqarneranut akulerullutik. Wellness tourism sunaanersoq iluamik paasisariaqarparput, taamatullu takornariartartut suut ujartortarneraat paasillugu, nunarsuatsinnit tamaneersunik takornariartoqarnissatsinnut nioqqutissatsinnik inerisaalluta.