NATA pillugu paasissutissat
North Atlantic Tourism Association
pillugu paasissutissat uani nassaarisinnaavatit
NATA (North Atlantic Tourism Association) tassaavoq Nunat Avannarliit Killiit: Kalaallit Nunaat, Island kiisalu Savalimmiut, sinnerlugit Kalaallit Nunaanni takornariaqarneq pillugu pilersaarutinik saqqummiisarlunilu tapersersuisarfik. NATA periarfissarsiuussisarpoq suleqatigiinnissanullu, joint venture naapertorlugu suleqatigiittussanut kiisalu nunat pineqartut immikkoortortaasa iluanni kulturikkut paarlaasseqatigiinnissanut aningaasaliisarluni. NATAp (North Atlantic Tourism Association) iluani, Visit Greenlandip immikkut isumagisarerusuppai atassuteqaqatigiittarnissaq pillugu ingerlaavartumik aaqqissuussat, Islandimi, Kalaallit Nunaanni kiisalu Savalimmiuni takornarialerisut naapeqatigiillutik ilisimasanik misilittakkanillu avitseqatigiittarnerannut tunngasut kisialu ataatsimoorlutik takornariaqarnermut atatillugu pitsaassutsit isumannaallisaanerlu pillugit isumasioqatigiillutillu inerisaaqatigiittarnissaat.
VISION 2025 – UKIOQ 2015IMUT TAKORLUUKKAT
Ukioq 2025imi Nunat Avannarliit Killiit tassaassapput, misigisassarsiortunut aaqqissuussat kiisalu kulturikkut pikialaarnerit ilanngullugit, takornariarfissatut akisussaassusilittut inississimasutut akuerineqarneqartut.
Innuttaasut inuiaqatigiillut akuereqatigalugit taakkualu tamarmik aningaasaqarniarnikkut sunnerneqarnerannut atatillugu pitsaasumik akuereqatigalugit, takornariaqarneq inerisarnikuussaaq.
Nunat taakkua pingasut akornanni takornariaqarnermut atatillugu suleqatigiiffittut, pilersaarutinik saqqummiisarfittut, tapersersuisutut kiisalu taakkua sunniutaat aallaavigalugit inerisaajuartutut, NATA inissisimassaaq.
NATAmut TUNNGASUT
NATA 2006imi pilersinneqarpoq, taamanilu kattuffiunikunut VNTB (Nunat Avannarliit Killiit Takornarialerinermik Kattuffiat), SAMIK (Kalaallit Nunaanni/Islandimi takornarialerisut suleqaatigiiffiat) kiisalu FITUR (Islandip/Savalimmiut suleqatigiiffiat), makkua pingaarnertut siunertaralugit:
– Nunat Avannarliit Killit takornariarfissatut nittarsaanneqarnissaat
– Nunat taakkua akornanni niuernerup ataqatigiissarnissaanut kaammattuissalluni
– Takorluukkkatsinnut naleqquttut suliariniakkat pillugit aningaasaliisarnissaq angalanissanullu tapiissuteqartarnissaq
– Nunat taakkua akornanni takornariaqarnerup iluani sullissisarnerit pitsanngorsarnissaannut ikiuuttarneq
– Nunat peqataasut akornanni suleqatigiinnik pilersitsinissaq
– Ilisimasanik avitseqatigiittarnissanut, nioqqutigisat ineriartortsinneqarnissaannut inerisarnissaannullu tapersersuisarnissaq
NATA aamma ukiumoortumik Nunat Avannarliit Killiit iluanni takornariaqarneq pillugu saqqummersitsisarnermut Vestnordenimut pingaarnertut aaqqissuisuusarpoq. Vestnorden 1986imili ingerlanneqartalernikuuvoq; saqqummersitsinerillu nunat taakkua pingasut akornanni nikerarnissaat akisussaaffigalugu.
Vestnordenip sumi ingerlanneqarnissaa qanorlu illit peqataasinnaanerit pillugu annertunerusumik paasiniaagit.
SIULERSUISUNI ILAASORTAT
Sigríður Dögg Guðmundsdóttir - Visit Iceland: Pisortaq, Takornariaqarnermi & Isumassarsiornermi Suliffissuaqarneq
Suliffik: Visit Iceland
Illoqarfik/nuna: Reykjavík / Island
NATAmi siulersuisunut qanga ilaasortaanera: 2020 aallarnerfigalugu
Anne Nivika Grødem - Visit Greenland: Pisortaaneq
Suliffia: Visit Greenland
Illoqarfik/nuna: Nuuk / Kalaallit Nunaat
NATAmi siulersuisunut qanga ilaasortaanera: 2022 aallarnerfigalugu
Guðrið Højgaard - Visit Faroe Islands: Pisortaaneq
Suliffik: Visit Faroe Islands
Illoqarfik/nuna: Tórshavn / Savalimmiut
NATAmi siulersuisunut qanga ilaasortanngornera: 2012 aallarnerfigalugu
NATAmi siulittaasuuffia: 2020-2021
Elías Bj. Gíslason - Islandimi Takornariaqarnermut Siunnersuisoqarfik: Pisortaq Akureyri
Suliffik: Islandimi Takornariaqarnermut Siunnersuisoqarfik
Illoqarfik/nuna: Reykjavík / Island
NATAmi siulersuisunut qanga ilaasortaanera: 2017 aallarnerfigalugu
Katja Vahl - Air Greenland: Marketing- og kommunikationschef
Suliffia: Air Greenland
Illoqarfik/nuna: Nuuk / Kalaallit Nunaat
NATAmi siulersuisunut qanga ilaasortaanera: 2021 aallarnerfigalugu
Árni Olsen - Atlantic Airways: Niuernermut Nittarsaanermullu pisortaq
Suliffik: Atlantic Airways
Illoqarfik/nuna: Vagar / Savalimmiut
NATAmi siulersuisunut qanga ilaasortaanera: 2016 aallarnerfigalugu
TAPIISSUTIT
NATA suliniutini ukunani tapiisinnaavoq:
- Takornariaqarnerup inerisarneranut niuerfittullu nittarsaanneranut tapiissutit
- Angalanissamut tapiissutit
Takornariaqarnerup inerisarneranut niuerfittullu nittarsaanneranut tapiissutit
Minnerpaamik Nunat Avannarliit Killiit marluk peqataaffigisaannik, siunertamut attuumassutilimmik suliariniagaqaruit, tapiissutissanik NATA qinnuteqarfigisinnaavat.
Suliariniakkat assigiinngitsut tikilluaqquagut kiisalu inerisaanissamut isumassarsiat isumaliuutillu eqqarsaatigilluakkat tapersersortarlutigit. Isumassarsiat makkununnga tunngasuusinnaapput:
- Inerisaanerit
nioqqutissanillu ineriartortitsinerit - Pilerisaarinerit
- Atassuteqaqatigiittarnerit kiisalu ilisimasanik avitseqatigiinnerit
- Takornariaqarnermut atatillugu pitsaassutsinut avatangiisinut tunngasut
Suliariniakkanut taama ittunut annerpaamik 100,000 DKK tapiissutigisarpagut, taakkualu suliariniakkami aningaasartuutissat tamarmik 50 procentii sinnerlugit naleqartussaanngillat. Tapiissutit akissarsianut siunnersortillu aningaasariassaannut atorneqassanngillat.
Angalanissamut tapiissutit
Nunat taakkua pingasut akornanni angalanissanut kulturikkullu paarlaasseqatigiinnissanut tapiissuteqarnissarput ujartortuarparput. Taakkua makkununnga tunngasuusinnaapput:
- Atuartut eqimattakkaat
- Timersoqatigiit
- Nipilersortartut angalaneri aaqqissuinerilu
- Kulturikkut paarlaasseqatigiinnerit allat
Tamakkununnga atatillugu angalanissamut annerpaamik tapiissutaasinnaapput:
- Islandip kiisalu Savalimmiut/Kalaallit Nunaata akornanni angalaneq (angalaarnerit), inummut ataatsimut 1,000 DKK
- Savalimmiut Kalaallit Nunaatalu akornanni angalaneq (angalaarnerit) inummut ataatsimut 2,000 DKK
Tapiissutit taamaallaat angalanermut atorneqarsinnaapput – ineqarnermut ulluinnarnilu aningaasartuutinut atoqqusaanatik.
Tapiissutit pillugit qanorlu qinnuteqarsinnaanermut tunngasut uani atuakkit.
Nutaarsiassat kingulliit
Misissuinerit kingulliit takutippaat takornariat nunanit allaneersut qanoq naleqartigineri
Takornariat nunanit allaneersut nunatsinni inuussutissarsiornikkut ukiuni kingullerni annertusiartuinnartumik inissisimalerput.
Nittartagaq nutartigaq atorlugu takornariartaassuit nunamut iluaqutaalluartumik tunniussaqartarnissaat qulakkiissuaa
Kalaallit Nunaat takornariartaassuit tikissallugu nuannareqaat aammalu ilimanarsereerpoq ukioq 2024 tassaaniartoq aatsaat ...
Susassaqarfiit sumiiffinni takornariaqarnermik suliaqartut akimorlugit suleqatigiinneq ataatsimut nukissaqalersitsivoq
Visit Greenlandip ulluni marlunni nunatsinni immikkoortuni Destination Management Organizations (DMO-nik taaneqartartut, tassalu tikiffinni kattuffiit aaqqissuussinermik suliaqartut) ataatsimiiteqqammerpai, tassanilu siunertaavoq takornariaqarnermi ineriartortitsinermi suleqatigiilluarnissaq aammalu nuna tamakkerlugu takornariaqarnermi suliaqartut suleqatigiilluarnerat nukittorsassallugu.
