Ataatsimut oqariartaaseqarnikkut nukitunerulerneq
Kalaallit Nunaanni takornariaqarneq piffissami nutaami ineriartortitsiviulluarsinnaasumi inissisimavoq. Nunarpullu nunarsuup sinneraniit ukkanneqaleruttorpoq. Takornariaqarnerup iluani sulisutut tamanna periarfissiilluarpoq, periarfissimmatigut naleqartitagut aallaavigalugit nunarput takornarianut nittarsaannissaanut. Periarfissat nutaat atorluarnerunissaat anguniarlugu, pingaaruteqarpoq nunatsinni takornarialerisutut tamakkiussamik oqaluttuaqarnissaq; oqaluttuaq ileqqutoqqanik nutaaliaanerusunillu oqimaaqatigiissitanik imalik, nunatsinnilu inuiqatigiinnut takornarianullu naleqalersitsisut.
Isumaqarpugut Kalaallit Nunaat pillugu oqaluttuaq nukitunerulersartoq, upernarnerulersartoq aammalu uummaarinnerulersartoq, ataatsimoorussamik aammalu inuit ataasiakkaat nunarput pillugu oqaluttualeraangata. Taamaammat Visit Greenlandimiit nittarsaassinermi najoqqutassiamik ineriartortitsinikuuvugut Visit Greenlandimi avataaniittunillu atorneqarsinnaasumik. Najoqqutassiaq sakkussatut atugassaavoq nunatta iluani, nunat allanullu ataatsimoorussamik oqariartaaseqarnissaq anguniarlugu.
Nutaarsiassat kingulliit
Visit Greenlandip Kalaallit Nunaanni takornariaqarnerup pingaarutaa pillugu misissuinermut nutaamut angalasut peqataaqqullugit qaaqquai
Angalaneq takornariaqarnerlu Kalaallit Nunaata aningaasaqarneranut, suliffissaqartitsinermut najukkamilu ineriartortitsinermut qanoq tapersiisarpat? Tamanna angalasunut nutaamik misissuinermi akissutissarsiniarneqassaaq. Taamaattumik Visit Greenlandip tikeraat aammalu Kalaallit Nunaanni najugaqartut angalasut misissuinermut peqataaqqullugit kajumissaarpai.
Visit Greenland nutaamik pisortartaarpoq
Visit Greenlandip siulersuisuisa Linda Kleist pisortassatut atorfinitsippaat. Taamaalilluni Anne Nivíka Grødemip tunuarniuteqarnerata kingorna pisortaagallarsimasoq Linda Kleist ingerlatseqatigiiffimmi siuttuuffiginnartussanngorpoq.
Visit Greenlandip ukioq 2025-mut naliliinera – nutaamik periusissiaqarluni, patajaannerusunik tunngavissatut nalunaarsuuteqarluni aammalu nunarsuarmioqatigiinnermut eqqummaarinnerulluni
Marlunngornermi ulloq 26. maaji 2026 ileqquusumik ataatsimeersuarnermi ukiumoortumik nalunaarusiaq 2025-moortoq Visit Greenlandip akueraa, ersarissaatigalugillu nunat assigiinngitsut akornanni Kalaallit Nunaannit annertunerusumik ukkassisimanerat, periusissiornikkut sammivimmik patajaannerulersitsineq aammalu takornariaqarnerup ineriartornerani najukkamik aallaaveqarnissamik ukkassinerusoqalernera ukiumi tamatumani sunniuteqarsimasut.
