Niuerfik, takornariaqarfinniit nutaarsiassanik imalik qaammatikkaarlugu nutartertarparput.
Ataani atuarsinnaavatit sumiiffinniit assigiinngitsuniit, Visit Greenlandimiillu nutaarsiassat.
Saniani aamma linkit toorlugit atuarusunnerusannut ‘pississinnaavutit’.
Nutaarsiassaateqaruit Marketplacemut ilanngukkusutannik, uunga allagit: editorial@visitgreenland.com.
Nuna Tamakkerlugu
Qaammatit siulliit sisamat 2020
- Naalakkersuisut aalajangiuppaat nannunik takornariartitsisalernissaq 2020-ip naalernerani akuerineqartinnagu, nalunaarutit marluk, nannunik illersuinissamut tunngassuteqartut allanngortinneqarnissaat. Takornarialerisut pisinnaalluartut siunissami qaninnermi nannunik takornariartitsisinnaangussapput.
- Takornarialerisut marluk Greenland Escape aamma Nuuk Water Taxi nutaaliullammattut Grønlandsbankenimit nersornaaserneqarput.
- Kalaallit Nunaat ukunani eqqartorneqarpoq: Lonely Planet’s cold destination aamma travel like a billionaire list.
- Kalaallit Nunaat tamakkerlugu timmisartuussisartoq Air Greenland, ukiuni 60-ni ingerlatsisimaneranik pilluaqquarput. Greenland Travel aamma ukiuni 35-ni ingerlatsisimavoq. Nalliuttorsiornerit KNR-ikkut takutinneqarput.
- Inuussutissarsiornermut PhD-mik ilinniagalik, Liz Cooper’s by-annual report
- Airlines look to revive direct flights between Iqaluit and Nuuk, Greenland – Nunatsiaq News (Tuluttut)
- Paw patrol: the majestic sled dogs of the Arctic – in pictures by the Guardian (Tuluttut)
Qaammatit siulliit pingasut 2020
- Visit Greenland DMO’llu (nunap immikkoortuini takornariaqarnermut siunnersortit) ulluni arlalinni workshopersimapput, pilersaarutinik siunissamilu suleqatigiinnissanik oqaluuserinnillutik.
- Kalaallit Airportsimi pisortaq kingumut taarserneqaqqippoq
- Uumassutsit allameersut Issittumut eqqunnaveersaarnerini ikiuigit – paasissutissat aamma kalaallisut atuarneqarsuinnaapput: https://www.stoparcticaliens.com/
- Ujarassiuut, atorfimminni Kalaallit Nunaannut tunniusimasut, misissuinerminni misigisaminnik oqaluttuaat tusarnaakkit. Polar podcasts
Qaammatit siulliit marluk 2020
Juuni
- Inuussutissarsiornermut PhD-mik ilinniagalik, Liz Cooper’s PhD project summary
- Vela Nordic aamma Inua Arctica suleqatigiillutik tujuuluaqqanik COVID-19 pillugu naqinnilinnik sanatitsipput. Iluanaarutit tamarmik Kalaallit Nunaanni sulifffeqarfinnut mikinernut tapiissutigineqassapput. Uani annertunerusumik atuarit: www.velanordic.com
- Aviisimi Trips to Discoverimi Qeqertarsuup Tunua sammineqarsimavoq: “Pinngortitaq misiginiarlugu angalaffissatsialaat qulit” – Qulequtavia: “10 Epic Destinations for Nature Travel”
Maaji
- Visit Greenland siullerpaamik webinarertitsivoq “Kalaallit Nunaanni takornariaqarneq, maanna siunissamilu”
- Visit Greenland aamma AECO maajimi internetikkut toqqaannartumik Greenland Cruise workshop ingerlappaat, COVID-19 pissutigalugu.
- Visit Greenland nutaamik nittartakkamik ussassaarummik saqqummersitsivoq. Taanna imaqarpoq nunagisami sulinngiffeqarnermi angalanissamut isumassarsiassatsialaasinnaasunik. Takussutitassiaq ilaatigut imaqarpoq angalanissanik misigisassanik aaqqissuuteriikkanik neqeroorutilinnik ”Staycation-pakkerejser” taakku nassaarineqarsinnaapput nunarputnuan.gl-imi. Misigisassanik aaqqissuuteriikkanik neqeroortuugussi takussutissiami ilanngunneqarsimanngitsumi kissaatigaarput emailimut uunga nassiutissagissi ilanngussinnaaniassagatsigu: stine@greenland.com. Angalanissamut neqeroorutit misigisassanik aaqqissuuteriigaannarnik imaqarput. akeqanngilarli.
- Sermersooq Business maajip 15ianni siullerpaamik tuluttut nunanit tamaneersunik webinarertitsivoq, ‘Akornusersuutaanngitsumik nuup takornariarfissatut uppernarsaat’.
- Kalaallit Nunaat qaffasissumi inissippoq, FORBESimi angalanerit puigunaatsut nioqqutigineqarnerpaat 30t : Kalaallit Nunaat misigisassarsiorluni angalanermik misilittagaqarluartunut angallavissaavoq
- Maajip 22anniit aggustip 31ata tungaanut timmisartumut billitsinut piumasaqaatit Air Greenlandip allanngortippai. Itinerusumik paasisaqarusukkuit qinnuigaatsigit Air Greenlandip nittartagaa saaffigeqqullugu.
- Campus Kujallermi ukioq manna Arctic Guidetut ilinniartut AECOp takornarialerinermik sulisuminut internetikkut misilitsissutigisartaannik misilitsinnissaminnut periarfissinneqarput, tassani sammineqarput Kalaallit Nunaanni issittumi takornarialerisutut ilisimasassat malittarisassallu. Siornatigut ilinniarnerminnik naammassinnissimasut aamma siunissami taamatut periarfissinneqassapput.
Apriili
- Islandimiut timmisartuutileqatigiiffiata Icelandairip Air Iceland Connectip angallavigisartagai angallavigilerniarlugit aalajangerpoq, angallavissat tassaapput Islandip iluani angalanerit kiisalu Nunatsinnut timmisartumik attaveqarnerit. Ingerlatsinermut tunngasut, tuniniaanerit, nittarsaanerit, timmisartuussinerit, aningaasaqarneq, HR kiisalu IT, tamarmik Iceelandairimit ingerlanneqqalerput. Timmisartortartut saqisullu maanna atugassarititaareersut naapertorlugit atorfinitsinneqassapput.
- Sarfaq ittuk maajip aallaqqaataaniit angallassilluni aallartissaaq. Qeqertarsuaq Disko bugtillu tunua angallassiffigisassallugit. Akerititat aaqqissuutereerput.
- Staycation – nammineq najukkanni imaluunniit nunanni sulinngiffeqarnissamut periarfissat – tassaapput Kalaallit Nunaanni takornariaqarnerup iluani periusissatut pilersaarutit ilaat. Taamaammat sumiiffinni suliffeqarfiit sumiiffinni najugallit pisariaqartitaat aallaavigalugit nioqqutissanik pilersitseqqullugit nittarsaaqqullugillu, Visit Greenland innersuussivoq. Tamatumunnga ilanngullugu, Kalaallit Nunaanni najugallit sumiiffinni ingerlatsiviit tapersersorniarlugit 2020mi Nunatsinni takornariarnissaat kaammattuutigineqarpoq.
- Polenimi aluminiumimik angallasiortartoq Arctic Dreamimit suleqatigineqalerpoq, taamaalilluni takornarianut angallassissutit akikinnerit pissarsiarineqarsinnaalissapput. Angallat nalinginnaq akeqarpoq 350,000DKK + assartuineq. Angallatinut paasissutissat pillugit Lars Anker immaqa attaveqarfigisinnaassavat uani info@arcticdream, taassuma aamma itinerusumik nassuiaassinnaassavaatit.
Qaammatit siulliit ataaseq 2020
Marsi
- Coronavirus pillugu killiffik: B2C-mut atatillugu tuluttut, danskisut kiisalu tyskisut ilanngutassiivugut. B2B-mut atatillugu takornarialerinermut immikkut tunngasumik killiffik pillugu danskisut kalaallisullu nutaarsiassiivugut. Kalaallit Nunaanni virusip tunillaannerata sunniutai pillugit quppernerit taakkua malinnaaffigikkit.
- Air Greenlandimik Air Iceland Connectimillu takornariat angalatitsisullu angalaniarlutik inniminniisimasut, 2021mi apriilip naanerata tungaanut kinguartissinnaavaat, coronavirusip tuniluunnera pissutigalugu. Sukumiinerusumik paasissutissanik pissarsiniaruit nittartakkat taakkua nakkutigikkit.
- Visit Greenlandimi Web Editor/nittartakkamik ilusilersuisoq nutaaq: Insuk Kim. Insuk Visit Greenlandimi ilinniartutut ikiortioqqammerpoq. Kalaallit Nunaata avammut nittarsaannera pillugu taanna suliaqangaatsiareerpoq, Kalaallit Nunaallu pillugu siullerpaamik Korea Kujallermiutut atuakkamik aamma saqqummersitsilluni.
- Visit Greenlandimi Web Editoriunikuusoq, Anna Maria Jakobsen, inuulluaqquarput. Ukiup aappa avillugu Annap suleqatiginerani Web Editoritut suliassanut ilanngullugu Arina Kleistip erninerminut atatilugu sulinngiffeqarnerani paarlattaalluni aamma Social Media Manageritut sulinikuulluni. Egmont media groupemi Social Media Manageritut Anna atorfinippoq.
- Ilinniartoq ikiorti nutaaq: Johanna Himstedt Københavnimi allaffitsinni ullup ilaannin ikiortaalerpoq. Nittartakkanut tunngasut Johannap annerusumik suliarissavai.
- Liz Cooper, ukiuo kingulliup ingerlanerani Visit Greenlandimut atatillugu, tusagassiuutinut kiisalu B2Bmut atatillugu Tanny Porimut paarlattaanikuuvoq kiisalu 1. apriili aallarnerfigalugu inuussutissarsiornermut atatillugu PhD-nngorniarnermut atatillugu Visit Greenland/Copenhagen Business School ilinniarfigissavai. Taassuma suliariniagaani Kalaallit Nunaanni umiarsuarnik takornariartarnermut atatillugu akornusersuutaanngitsumik pissusilersornissamik periusissanik pilersaarusiorneq ilaatigut kaammattuutigineqassaaq. Lizip Visit Greenlandimi attavigisartakkani attaveqarfigiinnassavai.
Februaari
- Kalaallit Nunaat pikialaarfik, ilinniartunut iluaqutissiaq nutaamik nittartagartaarpoq.
- Kalaallit Nunaanni veganerinut imaluunniit vegetarinut nerisassaqarnersoq takornariat apeqqutigisarpaat? Taava una iluaqutissatsialak tunniussinnaavat.
- Brexitip kingorna Tulunnut nutaarsiassat tusarluarnartut: Ikaarsaariarnermi tamatumalu kingorna Tuluit Nunaanni innuttaasut visaqaratik Danmarkimut Kalaallit Nunaannullu isersinnaatitaapput.
- Suliffeqarfik nutaaq taaguutilik Vela Nordic angallavissanik inerisaanernik kiisalu nunakkut, immakkut silaannakkullu angalanissanut aatatillugu, umiarsuit takornariartaatit sullissinnaavai.
Januaari
- AECOp inuiaqatigiinnut ilitsersuutai Nuummut, Paamiunut, Tasiilamut Ittoqqortoormiunullu tunngasut saqqummersinneqareerput.
- Seatrade Cruise Globalimut peqataanissamut nalunaarneq – nunarsuatsinni takornariaqarnermut atatillugu katerisimaarneq apriilimi ingerlanneqartussaq – maanna peqataanissamut nalunaarfigineqarsinnaanngorpoq. Piaartumik inissat qulakkeerlugu nalunaarnissat eqqaamajuk.
- NORDIS magasin, Skandinaviami tyskisoortuni aviisit annersaat, Kalaallit Nunaat quppernerni 14-ni samminiarpaat. Taamaalillutik aviisimi Kalaallit Nunaanni takornarialerisut pilerisaarinissaminnut periarfissaqarput. Soqutiginnikkuit Martin Elmentaler attavigiuk: martin.elmentaler@nordis.com
Novembaari 2019
- Icelandic Mountain Guides / Islandimi Qaqqani Ilisimasortat ilisimasortanut qaqqasiornermik inuilaarsuarmilu ikiueqqaarnissamik ilinniarnissaminnik pisariaqartitsisunut aappaagu takornarialerinermut pikkorissarnissaanissat nalunaarutigeqqammerpaat.
Oktobaari 2019
- Ingerlatsivik nutaaq: Travel by Heart tassaavoq DMC nutaaq, angalatitsisinnaallunilu aaqqissuussani angisuunik ingerlatsisinnaasoq.
- Tuugaaq Travel tassaavoq DMC nutaaq eqimattanik, inunnik ataasiakkaanik, tusagassiortunillu ilisimasassarsiortunik isumaginnissinnaasut. Taakkua uani atassuteqafigikkit sakidaorana@gmail.com.
- Visit Greenlandip toqqorsiviani Libris photo database assiuterpassuatsinnik kusanartunik imassarpassualinnik atuisartunut mailikkut nassiussuissaagut. Tassani aamma assit aalajangersimasunut tunngasut nassaarineqarsinnaassapput. Libris pillugu uani annertuneruumik atuarsinnaavutit.
Nuuk eqqaalu
Qaammatit siulliit sisamat 2020
Oktobari
- Nuuk Water Taximiit tusagassiutinut nalunaarut – Geotourism innuttaasunut takornarianullu neqeroorutigineqalerpoq.
Novembari
- Sarfalik Wine Baritut Brasserietullu 24. november ammaqqippoq. Vininik assigiinngitsunik ikinngitsunik, Frankrigimiit Italiamiillu isumassarsiorlutik, nerisassanillu Kalaallit Nunaanni piniartunit pisiat atorlugit nerisassiortarput. Nerisassat allattorsimaffiat nutaaq Facebookimi takuneqarsinnaavoq – Link
- Nuuk Water Taxip suliffeqarfik IceCap Gems suleqasiuppaa nunalerineq ukkataralugu Qilanngaarsummut Akilianullu angallassinernik neqerooruteqalerlutik. Ujarak illernartoq Greenlandite nunarsuarmilu ujaqqani pisoqaanersaasa ilaat nassaarineqarsinnaapput. Link
- Nuuk illoqarfinni pingaarnersani siullerpaalluni EarthCheckimiit piujuartitsisutut allagartartaarusuppoq Link
Qaammatit siulliit pingasut 2020
- Colourful Nuukimi aaliangerput Nuummut ilisarnaammik nutaamik ineriartortitsiniarlutik, neriuutigaallu ukiup tulliani atulersinneqassasoq
- Sermersooq staycation pillugu iluatsitsilluarsimapput, pingaartumik kangerlunni umiatsiamik angalatitsinerni. MICE-li (ataatsimiinnerit, katerinnerit, ataatsimiitsitsinerit aammalu saqqummersitsinerit) COVID-19 pillugu suli kingunerlutsitseqqavoq.
Qaammatit siulliit marluk 2020
Juuni
- Inuk Hostels angalaarnissamut periarfissanik nutaanik arfineq marlunnik neqerooruteqalerpoq
- Nunap assingi nutaat: Nalunaarsuutit qaammataasaminngaanneersut iluaqutigalugit Nuup eqqaa ukiunut silaannarsualeriffinnut appakaappoq. Misissuinerit paasisassiarineqartut siammarterniarlugit, nunap assingi (1:40 000) tulleriiaat arfinillit piniartunut, pisullutik angalasunut, qamuteralattartunut takornarianullu maanna saqqummersinneqarsimapput. Nunap assingi taakku siullersaallutik pitsaassuseq high-resolution atorlugu Nuup kangerluanut Ameralimmullu eqqorluarnersaallutik sanaajupput. https://maps.wow.gl/.
Maaji
- Nuuk Kunstmuseumip maajip 18ianni International Museums Day malunnartippaa. Holmip Illuani erfalasoq eqqumiitsuliaq nutaaq amuneqarpoq. Eqqumiitsuliortut marluk, Paninnguaq Lind Jensen aamma Paarma Brandt Nuuk Kunstmuseumimi saqqummersitsipput taasaminnik “Inuunitta nalaani”.
- Nuuk Bay Adventuresip angallataa attartortagaq Ayla, 2020mut piareerpoq.
Apriili
- Tupilak Travelip 18. Apriilimiit angalanissamut inniminniinerit ammaateqqissavai
Qaammatit siulliit ataaseq 2020
Marsi
- Akunnittarfik nutaaq 32nik initalik Nuummi ammarneqarpoq: Hotel Aurora. Akunnittarfimmik pigiinnittuuvoq Greenland Escape, taannalu upernaap ingerlanerani ammassamaarpoq.
Februaari
- Akunnittarfimmi nutaami, apriilip 6anni 2020 ammartussami, HHE Expressimi pisortassatut Birthe Stengård Frank toqqarneqarpoq.
Januaari
- Greenland Tourism Awardimik siulliup tulliatut Two Ravensip nersornaaserneqarnerani pilluaqquarput
- Greenland Tourism Awardimik siullit pingajuattut Nuuk Water Taxip nersornaaserneqarnerani pilluaqquarput
- Greenland Escape tulluusimaarutigalugu maanna MICE naaapertorlugu sullissinissaminik neqeroorpoq – taakkua ataatsimeersuarnernut, ataatsimiinnernut, pisoqartitsinernut. suleqatigiit imminnut ilikkarniarnerannut allanullu nerisassanik neqerooruteqartarput. Taakkua aamma angalanermi aqqutissanik, unnuiffissanik, tikinnermi/aallarnermi biiliunneqarnissamik, angalatitsinernik kiisalu qanorluunniit pisoqartitsinernik aqutsisunut aaqqissuussisinnaavoq.
- Nuuk Water Taxip manna tikillugu angallat manna tikillugu anginerpaaq atulerpaat – tassa Targa 37 sungartoq, 12inik ilaasoqarsinnaasoq ukiorlu kaajallallugu angallatigineqarsinnaasoq.
- Ukiut tallimat affarlu qaangiuttut Inuk Hostelsimi pisortap, Liisi Egede Hegelundip, piginneqatini, Maren-Louise P. Kristensen, ilisaritippaa.
Novembaari 2019
- Nittartagaq nutaaq Nuuk.nu. Nuummi pisoqartitsinerit, Timmisartumik aallakaanerit, silassaq, allallu.
- Nuuk Adventurep qilannganik takornariartitsisarnera Nuup eqqaani qilanngaqallattaammat iluatsilluarpoq.
- Novembarip 28anni Hotel Hans Egedemi nal. 8.30miit 16.00imut nungusaataanngitsumik takornariaqarneq pillugu siullerpaamik Colourful Nuuk isumasioqatigiissitsissaaq. Isumasioqatigiinnermik Green Growthimeersoq Daniel Frey ingerlatsisuussaaq.
- Ukkusissap qaavanut aqqutip ilisarnaasersornissaanut Colourful Nuuk piareersaavoq, ukiorlu naatinnagu naammassinissaa ilimagalugu.
- Nuuk Snowfestival 2020mut peqataanissannut nalunaarsinnaalereerputit, snow@sermersooq.gl allaffigalugu. Festivali ingerlanneqassaaq 5. – 8. marts 2020.
Oktobaari 2019
- Nuummi ingerlatsisoq nutaaq: Qajaq Seaway – umiatsiamik ingerlatsisinnaasut.
- Nuuk Water Taxi-ip allaffini ukiuunerani Hotel Hans Egedemut nuukkallarpaa! Ulluinnarni akunnittarfiup saaffiginnittarfiani assigiinngitsunik aaqqissuisassapput.
Tunumi
Qaammatit siulliit sisamat 2020
Air Icelandip Reykjavikimiit Kulusummut timmisartuussisarnini 7. marts 2021-ip tungaanut taamaatikkallarpaa.
Qaammatit siulliit pingasut 2020
- Tunu mianernartutut suli inissisimavoq timmisartumillu angalanerit taamaallaat Nuummiit/mut ingerlanneqarput. Ullut tallimat qaangiukkaangata misiliummik ajunngitsumik takutitseqqinnermi taamaallaat angalasoqarsinnaavoq. Staycation ingerlanneqalaarsimavoq.
- Naalakkersuisut aningaasaliinerisigut, piffimmilu eqqumiitsuliortut suleqatigalugit illoqarfiup kusassarnissaanut suliniutit assigiinngitsut ingerlanneqarput.
- Staycation annikitsumik ingerlanneqarsimavoq – pingaartumik COVID-19imut atatillugu akikilliliinerit atuutilersinneqareerneranni.
Qaammatit siulliit marluk 2020
Juuni
- Tasiilaq Tours saunartarfimmik nuunneqarsinnaasumik ammaapput.
Maaji
- Tasermiut Camp ukioq manna ingerlanneqassanngilaq. Umiarsuit takornariartaatit pilersaarutaasumik takkutinngitsoornerat tamatumunnga pissutaanerpaavoq.
- Suliffeqarfiit sisamat kalaallinik Tunumukartitsisarniarlutik aasaq manna nioqqutimik akiinik appaaniarlutik neqeroorput mhp #Staycation. Taakkua tassaapput:
- Arctic Dream APS East Greenland
- Hotel Angmagssalik / Hotel Kulusuk
- Discovery lodge
- Sermilik Adventures
Qaammatit siulliit ataaseq 2020
Marsi
- Destination East Greenlandi nutaamik pisortartaarpoq. Tupaarnaq Maqe 1. apriilimiit aallartissaaq.
Februaari
- Destination East Greenland nutaamik pisortassarsiorpoq. Kingullerpaamik qinnuteqarfissaq tassaavoq 24. februar. Annerusumik uani atuarit.
Januaari
- Lars Anker Møller suliffeqarfiutaalu Arctic Dream, Greenland Tourism Awardimik siullertut nersornaaserneqarneranni pilluaqquagut.
Novembaari 2019
Oktobaari 2019
- Icecamp Greenland tikeraartussanut piareerpoq! Aallaarsimaarfissaq ukiuni marluni piareersarneqarrnikuuvoq, maannakkullu Sermiliup qinnguanut najugaqarfigineqarsinnaanngorluni.
Avannaani
Qaammatit siulliit sisamat 2020
Oktobari
- Isfjorscenterip sananeqarnera ingerlarsorpoq, assi ilanngussaq takuuk
- Avannaata Kommunia aamma Innovation Greenland ulluni 12-14 oktobari pilersitsisunut namminersulerusuttunullu ingerlatsipput taallugu “Incubator Week”. Avannaata pigisaaneersut peqataajartorlutik aggikaasimapput.
- Suliffeqarfiit amerlanngitsut, COVID-19-imut tunngatillugu maleruagassat atuutileqqinneri peqqutigalugit sulisunik soraarsitsisariaqarsimapput.
Novembari
- Avannaata Kommuneani takornariaqarnermut siunnersuisoqatigiit Qaanaami seminarertitsipput. COVID-19, Atlantiku qulaallugu timmisartuussisalernissat, qimussiussinermut akit, piffimmi takornarianut neqeroorutit amerlinissaat allallu oqaluuserineqarlutik.
- Qaanaami, Upernavimmi, Uummannami Ilulissanilu nunap assingi nutaat titartarneqaleruttorput
Qaammatit siulliit pingasut 2020
- Avannaata Kommuneani takornariaqarnermut siunnersortitut atorfinittut nutaat Asbjørn Bangsteen Suusaat Mathiassenilu tikilluaqquagut. DMO’t attavigerusukkukkit paasissutissat uani, traveltrade.glimi nassaarisinnaavatit: https://traveltrade.visitgreenland.com/contact/#tab-id-6
- Avannaata aasaq manna takornarianit inniminnikkat 50%-ii unitsiinnartariaqarsimavaat
- Islandimiit timmisartuussinerit suli ammarneqanngikkallarput
Qaammatit siulliit marluk 2020
Maaji
- Takornariartitsisarfik Greenland Fiord Tours nutaamik nittartagaqalerput kiisalu nutaamik quppersagaliorlutik. Piffissami tamani, Uummannaq Fjord Tours matuvoq.
- Ilulissat Gusthousemi kiisalu Arctic Friendimi oktobarimiit yogariarnernik neqerooruteqartalissapput. Yin Yogamik ilinniartitsisoq pikkorissoq Kristine Marie Rost ullormut marloriarluni yogartitsisassaaq, akornatigullu Kalaallit Nunaanni pinngortitaq tupinnaannartoq qimerluualaarsinnaavat.
Apriili
- Greenland Cruises Targa 37mik nutaggarimmik pisaarpoq – taanna aasakkut Ilulissaniit ukiukkullu Nuummiit 12inik angallassisinnaassaaq.
Qaammatit siulliit ataaseq 2020
Marsi
- Eqimi unnuisarfiit iluarusunnartut Glacier Lodge najussallugu pilerigineqarnera pissutigalugu illuaqqat nalinginnaat sisamat iluarusunnartutut aaqqissuunniarneqarput. Illuaqqat iluarusunnartut nittartakkakkut inniminnerneqarsinnaalereerput.
- Allaanerulaartumik misigisassarsiorniaraanni, Glacier Lodgemi arfinilinnik tupeqarpoq/ Wilderness Tents. Toqqit taakkua iluarusunnartussiaapput.
- World of Greenlandip nittartagaani qulimiguulimmik angalanissaq inniminnerneqassaaq.
- Igloo Lodgemi unnuisarfiit init marlunngorlugit allineqarnikuupput, unnuakkut nillertikkaangat kissalaarnerusinnaammata. Ullut tamaasa aamma Igloo Lodgemiit nutaamut pisuttuartoqartarpoq.
- Konrad Seblonip Avannaata Kommunemi atorfimminiit tunuarpoq. Avannaata Kommuneani takornariaqarnermut tunngasut Aqqalu Jerimiassenimit isumagineqalerput. Taanna attavigisinnaavat uani: aqje@avannaata.gl
Februaari
- World of Greenlandip Igloo Lodgemi iniutini sisamariaammik allivai. 12inik unnuisoqarsinnaalissaagut. Sinittarfiit 6it marlukkaanit unnuiffigineqarsinnaapput, taamaammat illuaqqani unnuerusunngitsut immikkoornerullutik unnuisinnaalerput. Isersimaartarfittaarpugut aamma angisuumik, angisuunik igalaalimmik, ersiinnatumik ikumasulimmik petroleummitortumik kissarsuuteqarlunilu suliareqqitaanngitsunik pisatsernikuullugu kiisalu ujaqqamik inimut atasumik illup sannaanut ivertitsinikuulluta. Ini taanna aasaanerani qulimiguulimmik, kanomik pisuttuarnermillu angalanissamik katiterisimasunit atorneqarsinnaassaaq.
• World of Greenland aamma illumik qaarajuttumik 30 m²-nik angissusilimmik pisaarpoq. Ilulissat Kangerluanut qanittumi taassuma inissinnissaa taakkua neriuutigaat, aasakkut aamma atorneqarsinnaaniassammat – soorlu yogartarfittut atorlugu. Ukioq manna Inuit Legends tourimut kiisalu Northern Lights Safarimut namminneq aaqqissuussaminnut atatillugu taanna ini atussavaat. Illu qaarajuttoq petroleummimik ersiinnartumik ikumasulimmik kiassarneqassaaq, qisunnik suliareqqitaanngitsunik amernillu pisatserneqarluni.
• World of Greenlandip Ilulissani Arnat Peqatigiiffiat suleqatitaaraat – taanna pillugu uani atuarit
• Januaarip aallaqqaataani Sømandshjemmit Ilulissani Hotel Avannaa ingerlatilerpaat. Ilulissat Sømandshjem januaarip 20anni ammarneqarpoq.
Novembaari 2019
- Ilulissani Icefjord Centre nutaaq ammartussaq pillugu Sermitsitaq kiisalu RealDania suleqatigiillutik, aviisimik nuna tamakkerlugu saqqummertussamik saqqummersitsissamaarput. Aviisi novembarip 6ni kiisalu 8ni saqqummertassaaq, toqqaannartumillu PDFinngorlugu internettikkut aaneqarsinnaassalluni: sermitsiaq.ag.
Oktobaari 2019
- Ukioq 2020imi januaarimiit ujakkaarutit Greenland Fiord Tours-imit attartorneqarsinnaalissapput.
Septembaari 2019
- Uummannaq Fjord Toursip taaguutini allanngortillugu taaguuteqalerpoq: Greenland Fiord Tours By Land and Sea. Tamatuma saniatigut ingerlatsivik North Greenland Cruise Services, umiarsualivinni sullissinermik, imaani angallatinik angallassinernik, qulimiguulimmik angallassinernik kiisalu umiarsuit takornariartaatit sineriammi takornariartitsinissaannik neqeroorutilik, pilersippaat.
- Takornarialeriffik nutaaq – Ilulissat Unique Tours. Ilulissat eqqaani iluliarmiunik ilisimasortaqarluni qamuteralannik takornariarnissamik neqeroorutilik.
- 2021imi maajimi, Best Western hotels Ilulissani Best Western Plus ammassamaarpaat. Akunnittarfik Nunatsinni najugalinnit sananeqarlunilu ingerlanneqassaaq Nunatsinnilu najugalinnit aningaasaliiffigineqartoq, mingutsitsisuunngitsoq taanna 78inik inaateqassaaq, sutorniartarfeqarluni qaliaanilu angisuumik aneerasaartarfeqassalluni.
- North Greenland Adventurep nioqqutaa nutaaq: Icecap View, Ilulissat. Sutorniartarfimmi tassani 35nik issiasoqarsinnaassaaq inunnillu 20nik nerisitsisinnaassalluni, Ilulissallu kangerluanut isikkiveqarluni. Novembarimiit apriilip tungaanut ammasassaaq, pisuttuartunit, sisoraatinik ujakkaartunit, qimussimik, qulimiguulimmik imaluunniit qamuteralannik orninneqarsinnaalluni.
- Albatros Travelip Ilulissani Hotel Hvide Falkimik iluarsaassinissaa novembarimi aallartissaaq. Annertuumik iluarsaassinissaq ukiuni arlalinni ingerlanneqassaaq.
- Ilulissani Hotel Avannaa Sømandshjemminut ilannguppat, Kalaallit Nunaanni Sømandshjemmit hoteliutaat sisamanngussapput. 2020ip aallartinnerani akunnittarfik Ilulissani Sømandshjemminngussaaq.
- Arctic Living Ilulissat tassaavoq Ilulissani qimmeqarfittut qitiusussaq nutaggarik. Qimmit 32t najugarisassaat takornariat pulaarsinnaassavaat, qimmit pillugit saqqummiussat isiginnaariarlugit, qimmit pulaarlugit nerukkarneqartulllu isiginnaarlugit. Ukiuunerani qimmeqarfik aamma qimussiussisassaaq. Qimmeqarfiup ungasinngitsukkut ammarnissaa pilersaarutaavoq.
- Notel Nordlys nutaamik neqerooruteqalerpoq: Illuaraq Oqaatsunut isikkivilik. Suliniut paasisaqarfiginerorusukkukku Ole Dorph saaffigiuk.
- North Greenland Adventure Sikujuitsumi nutaamik illuaraliorpoq, saniatigut eqqaani aalisarnermik sammisaqarneq neqeroorutigalugu. Paasisaqarnerurusukkuit Piitaq Magnussen saaffigiuk.
Destination Disko Bay/ Qeqertarsuup Tunua
Qaammatit siulliit pingasut 2020
- Qeqertarlik Kommune Inuussutissarsiornermut Siunnersuisoqatigiinnik (Business Council) ammaavoq ilaasortanillu taasisimallutik. Siunissami takornariaqarneq Siunnersuisoqatigiinni ingerlanneqartassaaq. Paasissutissanik annerusunik uani atuarsinnaavutit: https://sermitsiaq.ag/kl/inuussutissarsiornermut-siunnersuisoqatigiinni-ilaasortat-nuimasut
Februaari 2020
- Disko Bay Tours nutaamik nittartagartaarput.
- Lola Christensen, Qasigiannguani takornariaqarnermik ataqatigiissaarisoq, qaammat kingulleq iluatsittumik takornarianut qimussernermik ilitsersuivoq. Taanna 30nik peqataaffigineqarpoq.
- Qasigiannguani takornarialerinermik ataqatigiissarisoq nutaaq,
Lola Christensen:
Tlf. (+299) 70 19 00 and (+299) 38 71 46
lola@qeqertalik.gl
S. M. Saxtorphsvej 1
Postboks 113 – 3951 Qasigiannguit
www.qeqertalik.gl
Januaari 2020
- Siku Aput Dog Sledding & Snowmobiling National Geographicip atuagassiaani nutaami ilanngutassiarineqarpoq, Ultimate Journeys for Two. Taassuminnga ilanngutassiortut, Mike & Anne Howard, Kalaallit Nunaata kitaani ingerlatsiviit pitsaanersaattut toqqarpaat. Atuagaq taanna nunarsuaq kaajallallugu atuagaarniarfinni pisiarineqarsinnaavoq.
Novembaari 2019
- 2018imili Hotel Disko Island nutaanik piginnittoqalermat neriniartarfik, igaffik, saaffiginnittarfik barilu sukumiisumik nutarsarneqarnikuupput. Akunnittarfik 2019imi juulimi ammaqqippoq, immikkut ilusilersukkanik pisatsersorluni, igasunngortoq nutaanik sassaalliinissaminut neqerooruteqarluni kiisalu akunnittarfimmiit avammut isikkiviginnera angisuunik igalaalersorneratigut atorluarneqarluarluni. Takornariaqarluarnerata nalaani illoqarfimmi Kuannernullu ilisimasortaqarluni pisuttuarnissanik Hotel Disko Island aaqqissuussisarpoq.
- Qasigiannguani takornarialerinermik ataqatigiissarisoq nutaaq,
Lola Christensen:
Tlf. (+299) 70 19 00 and (+299) 38 71 46
lola@qeqertalik.gl
S. M. Saxtorphsvej 1
Postboks 113 – 3951 Qasigiannguit
www.qeqertalik.gl
Destination Arctic Circle
Qaammatit siulliit sisamat 2020
- Arctic Circle Business aamma Destination Arctic Circle ukioq nutaami nutaamik pisortassarsiortussanngorput, Louise Lynge Berthelsenip soraarniuteqarluni nalunaareernerata kingorna. https://sermitsiaq.ag/louise-lynge-berthelsen-stopper-i-acb
Qaammatit siulliit pingasut 2020
- COVID-19´mut tunngatillugu allagartat sananeqarsimapput Kangerlussuullu mittarfianut ikkussuunneqassallutik.
- DACip 2021-mi Extreme E aaqqissuutissavaa. Extreme E tassaavoq aaqqissuunneqartartoq, nunarsuaq tamakkerlugu nalunnginneqartoq. Aquttut pikkorinnerpaat EL-bilinik sukkaniutissapput silallu pissusaata allanngoriartorneranik malunnartitsissalluni. Lewis Hamilton Formula 1-imi mesteri peqataanissaminut akuersisimavoq!
- Lasse Kyed qaammatialuit qaangiummata Maniitsumi takornarialerinermut ataqatigiissaarisutut aallartittoq tikilluaqquarput.
- Lings Hunting Greenland nutaamik nittartagartaarput: https://lingshuntinggreenland.com/
- Maniitsoq Tour Boat aqqutigalugu Kangerlussuatsimut angalanissamut internetikkut inniminniisoqarsinnaalerpoq: https://mtb.gl/
- Arctic Escapes, Arctic Future Challengemiit ajugaasutut toqqarneqarsimapput: Best Arctic Youth Business Concept.
- Sisimiut Kayak Centerip taaguutini allanngortissimavaa, imatullu taaguuteqalerpoq: Nunatsinni Adventures
- Tuniniagaapput ukioq kaajallallugu qajartorneq, qanga iliuutsit atorlugit qajartorneq, qimusserneq, qaqqasiorneq, pisunneq, pississaarneq, tandem paragliderneq
- Sisimiuniit Canadamut ikiortilerluni qajartorneq
- Nutaanik instagramitaarnikuuvugut:
Qaammatit siulliit marluk 2020
Juuni
- The Arctic Circle Road ukiuni 25-ni kissaatigineqarsimavoq. Periarfissat nungussaanngillat nunarlu orninneqakkajunngitsoq innuttaasunut takornarianullu ajornannginnerusumik tikinneqarsinnaalissaaq. Aqqusineq allannguutaasoq Kalaallit Nunaanni piffiit marluk imminnut atassutissavai, Kangerluarsuk Tulleq Sisimiullu. (Paasisaqarnerorusukkuit ACR-ip nittartagaa alakkaruk)
- Destination Arctic Circle, Arctic Circle Trail ineriartortinniarlugu suli suliniuteqarput, amerlanerusunik aqqusiorlutik. Taamaaliorput anguniarlugu aqqummi kisimiivinneq nuannersumillu pinngortitamiinneq suli misigineqarsinnaaniassammata. Aqqut kujalleq aasaq kingulleq ilanngupparput, maannakkullu aqqutip suli avinngarusimasumiinnissaa qulakkiissallugu pilersaarutigivarput.
Maaji
- Takornarianut nutaamik nittartagaqalerpoq https://www.destinationarcticcircle.com/
Apriili
- Kangerlussuup Kangerluarsuk Tullerullu akorngini aqqusiassat marluk siullersaat pillugu, martsip qiteqqunnerani EIAmik nalunaarusiornissap naammassinissaata killilernissaa ataatsimiissutigineqarpoq. Aqqusinniornissaq aasaru aallartissallugu Qeqqata Kommunia pilersaarpoq.
Qaammatit siulliit ataaseq 2020
Marsi
- Coronavirusip tunillaassuunnera pissutigalugu Arctic Circle Race unitsiinnarneqarpoq.
Februaari
- Disko Bay Tours nutaamik nittartagartaarput.
- Lola Christensen, Qasigiannguani takornariaqarnermik ataqatigiissaarisoq, qaammat kingulleq iluatsittumik takornarianut qimussernermik ilitsersuivoq. Taanna 30nik peqataaffigineqarpoq.
Januaari
- Sisimiut Kayak Center tulluarluni angalaffissat nutaat pingasut atuutsilerpaat:
- The Traditional Qajaq tour: taanna kikkunnulluunniit naleqquppoq, aamma meeqqanut ukukitsunut. Ileqqutoqqat naapertorlugit qajartorneq ingerlaavartussatut aaqqissugaavoq. Meeqqat kinngjunaveerlugit puttaqutilimmut inissinneqartarput. Taanna aamma inersimasunit atorneqarsinnaavoq. Qajaq naalikkamik avatamillu atortulerneqarnikuupput, atuisut naaligarneq misilissinnaaniassammassuk.
- Ulluni marlunni qimussimik qaannamillu angalaarneq: piniartup inooriaasaanik misiliineq.
- Greenland Roll Camp, aggustip 6ianiit – aggustip 9ata tungaanut: Kalaallit Nunaanni kinngusaarluni unamminerni arlaleriarluni ajugaasartoq, Emanoraaq Nathansen, peqatigalugu. Kalaallit Nunaanni umiarsuarnut takornariartaatinut kinngusaarnermi takutitsinermik SKC aamma aaqqissuisinnaavoq.
Novembaari 2019
- Sisimiuni qaannerivimmi nutaami ingerlatsisuuvoq Julien Caquineau: qajartornissanik assigiinngitsunik, SUP tours/nikuilluni paarneq, qaannanik attartorneq allarpassuarnillu nioqquteqarpoq. Una aqqutigalugu inniminniisoqarsinnaavoq: info@kayaksisimiut.com.
- Arctic Circle Businessip Susanne Høegh pisortatut toqqarpaa. Pisortatut qinnuteqarnissaq novembarip 11nut killeqarpoq.
Kujataani
Qaammatit siulliit sisamat 2020
Aasaq 2021-mi Isortoq Reindeer Stationimeersut tuttuutillit Qaqortup avataani tuttoqarfimmik ammaaniarput, misigisassarsiortut uumasunik kusanartunik takunnissinnaaniassammata, kujataanilu tuttuuteqatarnerup oqaluttuarisaaneranik paasisaqalutik.
Qaammatit siulliit pingasut 2020
- Quark Expeditions, Kalaallit Nunaanni ilisimasassarsiornerit nutaat ilisaritippaat: https://www.cruiseindustrynews.com/cruise-news/23265-onboard-helicopters-key-to-quark-greenland-itinerary.html
- Tusagassiortut UK-meersut Danmarkiminngaanneersullu arlallit kujataani qaammat manna angalasimapput, takusassiariniarlugit: nerisassat, glamping (alutornartumik tammaarneq) Vikingillu oqaluttuarisaanerat.
- Hotel Narsarsuaq akussat nutaaqqinnaat piffimmeersut, kusassaatillu katersukkat atorlugit nerisassiorlutik misileraasimapput. Nerisassaataasa mamarsarluni misilerarnissaat misigisassanut ilaalluinnarpoq!
- Greenland Visitor Center, piffimmi takornarialerisut nunanilu tamalaani ekspertit sap. ak. atorlugu kujataani angalaarsimapput, piffimmi misigisassat nuannernerpaat takusassallu sisamat pingaarnerit alakkarlugit. Aqqusernit asfaltilikkat, paasiniaasarfiit, takornariartitsisarfiit allallu ukiuni takkutilersuni qilanaarineqarsinnaapput.
- Savaatillit aasaq tamaat misigisassarsiortut takornariallu tikilluaqqussarsimavaat, maannakkulli “savanik katersinissaq” tullinnguuppoq – pisullutik savanik savaateqarfinnut ingerlaartitsissapput!
Qaammatit siulliit marluk 2020
Juuni
- Kujataa arpaffittut piukkunnartorsuuvoq! Aasaq manna pingasunik maratoneqassaagut, namminerisamik peqatigiiffinniit aaqqissuussanik. Qaqortoq maraton 27 juni ingerlanneqassaaq, Tasermijit Marathon 18 juli ingerlanneqassaaq, Leif Eriksson Marathonilu 22 aggusti Qassiarsummi ingerlanneqassalluni.
- Takornarianut Paasiniaaffiit aasaq manna piffinni sisamani nassaarineqarsinnaapput – Narsarsuarmi (mittarfik Blue Ice Cafémilu mittarfiup eqqaaniittoq), Narsami (Hotel Narsaq), Qaqortumi (Greenland Sagalandsip pisinniarfeeraataa talittarfiup eqqaaniittoq) kiisalu Nanortalimmi (Nanortalik Tourism Service, oqaluffiup eqqaaniittoq).
- Qaqortumi nutaamik caféqalerpoq! Erniinnaq Kûnguak Café & Ice Cream Barimi Kalaallit Nunaanni mamarnerpaanik – kuummut kangerlummullu isikkivilerluni – ukuninnga sassaalliisalissaaq: Caffe latte, tii, kakao, siku mamarluinnartoq kiisalu yoghurti qerisoq pitsaasumik immuttalik.
- Inua Care, cremenik inuummarinnartunillu allanik pisiniarfik nuannarineqarluartoq, Qaqortumi illoqarfiup qeqqanut, illumut anginerusumut, puilasup eqqaaniittumut nuuppoq.
Maaji
- Ukioq manna Qassiarsummi Igalikumilu Takornarianut Ilisimasortaqassaaq. Ndunaqarfiit taakkua marluk Kujataani UNESCOp allattorsimaffiutaanni ilaaginnaratik aamma Greenland Visitor Centerimit Nunatsinni soqutiginaatilittut toqqagaanikuupput. Qallunaatsiaat illukui alutornartut atatiinnarneqassapput nappaqqinneqarlutillu, kiisalu ilisimasortaqarluni takornariarfigineqarsinnaalissallutik.
- Qassiarsummut, Itillermut (Igalikup eqqaani) kiisalu Upernariarsummut aasaru maavaatumik tulattoqartalissaaq! Talittarfiit puttasut maannakkorpiaq sananeqarput, juunillu aallartinneqarani ivertissorneqalissallutik.
- Aasaq manna, soorunami COVID-19 pissutigalugu, Kujataani aaqqissuisoqartarnissaa qilanaarineqarpoq!
- Summer Solstice Festival (Ullortunersiorneq) juunip 21anni Inuiattut ullorsiornissatta tungaanut sapaatip akunnera naallugu ingerlanneqassaaq, Qaqortumi. Nanortalimmi kiisalu Narsami iluatsillugu Kultur Festivaleqassammat.
- Qaqortoq Marathon Qaqortumi 1 August ingerlanneqassaaqoq
- Leif Eriksson Marathon (Leif den Lykkelige Maraton / Leif Iluanaarajooq Maraton) aggustip 22anni Qassiarsummi ingerlanneqasssaaq
Qaammatit siulliit ataaseq 2020
Marsi
- The Ipiutaq Guesthouse & tourism tassanilu aaqqissuunneqartartut tuniniarneqarput. Maluginiaruk; savaateqarfik tuniniarneqanngilaq.
- Qaqortumi sutorniartarfik nutaaq: NiNu Arctic Kitchen. Igasutut nersornaaserneqartareersoq piginnittorlu, Inunnguaq Hegelund, marmartunik sassaalliisarpoq, weekendinilu nipilersortoqartarluni.
- Takornariagassanut ilitsersuutit: 2020mi aasakkut Qassiarsummi Igalikumilu Takornariarfissanut Ilitsersuutinik pilersitsisoqassaaq. Taakkua sumiiffinni ilisimasanik kiisalu oqaluttuassartaannik kulturiannillu paasissutissartaqassapput.
- Qaqortumi Katersugaasivimmi UNESCO pillugu saqqummersitsineq nutaaq: Kalaallip titartaasartup, Konrad Nuka Godtfredsenip, titartagai 25t. Titartakkat taakkua sumiiffinni illukoqarfinni ukiut 1000it matuma siorna tikillugu Vikingit nalaanni pissutsit takutippaat.
- Greenland Sagaland peqatigalugu ulluni amerlanerusuni takornariarneq – “Kujammut”: Uunartup Kangerlua ulluni pingasuni assigiinngitsutigut misigisaqarfigiuk. Ullut taakkua ingerlaneranni ilaatigut Uunartumi kinisimaartoqarsinnaavoq, Noorliit ajoqersuiartortut 1800kkunni najugaat, Alluitsoq, tikinneqassaaq kiisalu qaarusoqarfimmi mikisumi tupertoqassalluni.
- MICE naapertorlugu periarfissat inersarneri: 2020mi aasakkut Nunat Tamat akornanni angisuunik pingasunik saqqummersitsisoqassaaq. Taakkua ilaat marluk Visit South Greenlandip Aaqqissuussanik Pilersaarusiortartutut peqataaffigissavai.
- Greenland Air Trophy, juuni: Narsarsuarmi mittarfimmut timmisartuararpassuit akunnittassapput, ilaatigut ‘naannerpaamik minneq’ unammmissutigineqassalluni. Nunat Tamat akornanni peqatigiiffik Air Trophy, nunanit amerlasuuneersunik ilaasortalik, tamatumannga aaqqissuisuussaaq.
- Atlantikup Avannaani Savaateqarneq Savallu Meqqui pillugit ataatsimeersuarneq, juuli: Atlantikup Avannaani savap meqquinik tunisassiornerup inerisarnerata eqqumaffiginiarnera pillugu ukiut qulissaannik Hotel Narsarsuaq taamatut aaqqissuussivoq. Kalaallit Nunaanni Nunalerinermik Siunnersuisoqarfik taassumannga aaqqissuisuuvoq.
- Kalaallit Nunaanni Aatsitassarsiorneq Piiaaveqarnerlu pillugit ataatsimeersuarneq, aggusti:Ataatsimeersuarneq Hotel Qaqortumi ingerlanneqassaaq. Tassanilu aatsitassarsiorneq pillugu ilisimasat periarfissallu ilisimatuussutsikkut kiisalu sumiiffimmi niuernikkut periarfissat sammineqassallutik. Kalaallit Nunaanni Naalakkersuisut kiisalu Kommune Kujalleq aaqqissueqataassapput.
- Februaarimi Kujataani takornariaqarnermut atatillugu periusissatut pilersaarusiornermut inuit 35 miss, peqataapput.
Februaari
- UNESCOp eriagisassatut nalunaarsugaani misigisinnaasaq nutaaq: Qanisartuumi tatsip sinaani savaateqarfik unnuisarfillu pisuttuarnissamik qajartornissamillu kiisalu sumiiffimmi ilisimasortaqarluni misigisinnaasat kulturimut attuumassutillit tamaani misigisaqarfiginissaannik neqerooruteqarpoq kiisalu savatillip angerlarsimaffiani kaffillernermi oqaluasaartoqartarluni.
- Narsarsuarmi unnuiffissaq nutaaq: Unnuisarfik 10nit unnuiffigineqarsinnaasoq Narsarsuarmi pilersinneqalerpoq. Qaammatini tulliuttuni sukumiinerusumik paasissutissiisoqassaaq.
- Niuernerit: Qaammatini siullerni pingasuni Visit South Greenland Berlinimi Parisimi, Atlantikup qeqqani Reykjavikkimi Londonimilu nunat tallimat isumasioqatigiinnernnut, Kalaallit Naalakkersuisuisa Niuernermik Suliniutaannut atatillugu peqataatitaqassaaq.
- Isumasioqatigiinnissani periusissamik aaqqissuussaq: Kommune Kujallermi takornariaqarnermik inerisaanissamut periusissat aaqqissuussaq, nunap immikkoortortaani takornarialerisunit nutaasiassat kingulliit ilanngullugit siammartiterneqassapput. Isumasiornissamut periusissatut aaqqissuussineq februaarip 8ianni 19iannilu Qaqortumi ingerlanneqassaaq.
- Campus Kujallermi ilitsersuisutut pikkorissarneq: Pikkorissarneq siulleq februaarip aallaqqaataaniit tallimaanut Ilulissani ingerlanneqassaaq. Taanna takornarialerinermi ilitsersuisutut qitiusumik inissisimasunik ikittuinnarnik pikkorissaanerussaaq, taakkua takornariaqarlualernerani sulisunik pisariaqartitsillualernermi sulisussanik nutaanik peqataatitsillutillu ilinniartitsinissaminnut piginnaaneqalernissaat siunertaavoq.
Kommune Kujallermi Takornariaqarnermik Inuussutissarsiornermillu inerisaasoq, Sarah Woodall, nutaanik paasissutissiineranut qutsavigaarput!
Novembaari 2019
- Inunnguaq Hegelund Kujataanut uteqqivissorpoq, Qaqortumi sutorniartarfimmik ammajuartussamik nutaamik ammaassamaarluni. Sutornartarfik Lallaatiunikumiissaaq januaarimilu ammarnissaa pilersaarutaalluni.
Oktobaari 2019
- Innovation South Greenland A / S (Kujataani niuernikkut ingerlatsivik) pisortatigoorumik aallartissaaq! Allan Chemnitz, oktobarip aallaqqaataani pisortatut aallartippoq. Innovation South Greenland niuernermut, takornariaqarnermut kiisalu piniarnermut/aalisarnermut atatillugu niuernermut akisussaasuussaaq. Sarah Woodall sumiiffimmi takornarialerinermut Innovation South Greenlandimi suli aqutsisuuvoq.
- Hotel Narsarsuaq nutarsaalerpoq, nutaanik sassaalliisalerusulluni siunissamilu pitsaanerusunik sassaalliisalernissani siunniullugu.
Septembaari 2019
Ukioq manna aasaq qanoq ingerlava?
Sumiiffinni takornarialerisut ataatssimut isigalugit 2019imi aasaq iluarusuutigaat, 40 procentit nalunaarnerat naapertorlugu aasaq manna siornarnit pitsaanerusimavoq! Tammajuitsunik eqqumiitsulianillu pisiortortoqarsimanera ilaasa maluginiarsimavaat, allat tupaallaatigisimavaat inniminniinikuunatik unnuiffissarsiortut amerlanerusimanerat. Takornarialerisut akorngini aamma nutaaqarsimaqaaq inerisaasoqarluarsimallunilu – Kujataa takornariarfigissallugu pissanganartsinneqarsimasoq qularnanngilaq!
Takornarialerisut nutaat kikkuuppat?
Sermeq Helicopters, Qaqortoq
- Kujataani qulimiguujutilik namminersortoq nutaaq kisiartaasorlu
- Takornarianik timmisartuussinermik neqerooruteqarpoq attartorneqarsinnaallunilu
- Kujataarmiumit pigineqarpoq Pilu Nielsen & Camilla Berg Christensen timmisartuussisorisarlugit
Tasermiut Camp, Nanortalik
- Inuilaami ilisimasortaqarluni misigisassarsiornermik neqeroorutilli
- Tammaarsimaarfimmi akimarpalaartunik nerisassiorneq nerisitsinerlu
- Kujataarmiunit pigineqarpoq Salik Frederiksen & Freddy Christensen ingerlatsisoralugit
Cafe Polar-tut, Narsarsuaq
- Ukioq naallugu siullermik ingerlatsisut
- Kujataarmiunit pigineqarpoq Storch Lund & Raaraq Lund ingerlatsisoralugit
Qaqortoq Water Taxi, Qaqortoq
- Ukiuni tallimani uninngareerluni aallarteqqittoq
Angallat nutaaq, “Qajaq”, Nordstar 24 - Kujataarmiumit pigineqartoq ingerlatsinissaminut akuersissummik peqarluni
NAN Tourism, Nanortalik
- Siornatigut sivisuumik Nanortalik Tourism Servicetut ingerlanikuusoq nutarsakkatut aallartinneqartoq
- Piginnittoq nutaaq: Kujataarmiumit pigineqartoq Ellen Næsgaard Madsen ingerlatsisoralugu
Café Thorhildur, Qassiarsuk
- Café nutaggarik ukioq manna aatsaat ammartoq
Kangerlummut kusanaqisumik isikkivilik - Tammajuitsussanik nassunnik, saanernik ujaqqanillu sanaanik aamma nioqqutilik
Takornarialerisareersut qanoq nutaarsiassaateqarpat?
- Siniffik Inn, akikitsunik kiisalu marlunnik initalinnik immikkut atortorissaarutilinnik unnuiffissaqalerneratigut, Qaqortumi unnuiffissat amerlipputoq. Unnuisarfik kujataarmiumit pigineqarpoq Heidi Mortensen Møller ingerlatsisoralugu.
- Jacky Simoud, Narsarsuarmi Blue Ice Explorerimik aallartitsinikuullunilu piginnittoq, ukiorpassuarnilu pisortaasoq, ukioq manna tunuassaaq. Kujataani takornariaqarnermik inerisaaqataallunilu nittarsaaqataanikuuneranut, Jacky qutsavigaarput.
- KUJATAA, Kujataani UNESCOp allaffeqarfia: Facebookimi quppernermi nutaami “Kujataa – World Heritage”-imi, assit kusanaqisut takuneqarsinnaapput, takornarialernermullu paasissutissat nutaat ilanngunneqartarlutik kiisalu assigiinngitsut eqqumiitsuliaat atorlugit oqaluttuanik piviusorpalaartitsilerlutik. Qassiarsummi Igalikumilu nutaanik UNESCO Visitor Centereqalerpoq, sulilu amerlanerit pilersaarutaallutik.
- Qajaq Brewery, Narsami immiorfiup immiaaraliornini annertuseqqammerpaa, nunatsinni nunanilu allani annertunerusumik siammarterisinnaajumalluni. Timmisartumik Cafe Inugssuk-mukarlutit immiukkat tamaasa ooqattaarsinnaavatit.
- Kujataani savaateqarfiit 8t unnuisarfiuteqarlutillu eqqaminni illuaraateqarnerat eqqaamajuk, sulinngiffeqarnermi ulluni arlalinni pisuttuaqattaarnissamut pitsavimmik periarfissiillutik, unnuillu tamaasa kialaartumik innarfissaqarluni.
- Pisuttuarfigineqarnerit avaqqullugit angallavissatut siunnersuutit: Alluitsup Paani Seaside Whale Hotel najugaqarfigalugu qanittumi Uunartumut kuulteqarfimmullu misigisassarsiorit kiisalu pisummik Alluitsoq, qanga tyskinik ajoqersuiartortunik siuaallit illoqarfigisimasaat, kalaallisullu allattaatsimik ineriartortitsisup inunngorfia, ornillugu.
Kommune Kujallermi Takornariaqarnermik Inuussutissarsiornermillu inerisaasoq,Sarah Woodall, nutaanik paasissutissiineranut qutsavigaarput!
Nutaarsiassaateqarpit?
Kalaallit Nunaanni nutaarsiassanik oqaluttuassamillu eqqarsaatitit pillugit avitseqateqarusupput? Taava qaammatit naalernerisigut nutaarsiassanut tullianik saqqummersitassnut ilanngusserusukkuit uunga allagaqaqqullutit qinnuigaatsigit: editorial@greenland.com!
VGp imarisai kingulliit
Decembari
- Aningaaq Rosing Carlsenip assilisai nutaat Librisimi: assit 142-it Sisimiumit (Qajartorneq, Stand Up Paddling, viewpoints, Assaqutaq, Nasaassaq, Arctic Spa)
Novembari
- Guidelines – Sikker færdsel i grønland (Qallunaatut)
- Video – Future of Travel in Greenland: Flattering the curve of the coronavirus (Tuluttut)
Oktobari
Qaammatit siulliit pingasut 2020
August
- Grønland var Henrik Kauffmanns trumfkort (Ekstern forfatter: Martin Christiansen)
- Kulinarisk oplevelse i Kangerlussuaq (Del 2) (Ekstern forfatter: Sune Rasborg)
- De 13 bedste udsigtspunkter i Sisimiut (Kim Insuk, Visit Greenland)
September
- På jagt efter den oldgamle fjeldørred i vilde Grønland (Ekstern forfatter: Allan Liddle)
- Smuk vandretur ved Ittoqqortoormiit i Østgrønland (Ekstern forfatter: Bo Normander)
- Farm Holiday in Sillisit (Sandstones), South Greenland (Arina Kleist: Visit Greenland)
Qaammatit siulliit marluk 2020
Juuni
- Symboler, du kan se på Grønlands nationaldag
- Hvordan kan en by med kun 500 indbyggere tilbyde en af de bedste kulinariske oplevelser i grønland?
- Nunarput nuan music video
Maaji
- Peter Lindstromip assilisai nutaat Librisimi: assit 46-it Narsarsuarmit (Hotel Narsarsuaq, igutsaat, katersugaasiviit, sikkilerneq aamma Blue Ice)
- Lisa Michele Brunsip assilisai nutaat: assit 26-it Ilulissanit
- Kalaallit Nunaaniit igafinni: Sava Suppi – En opskrift, du kan lave derhjemme
Aprili
- Pinngortitami uumasut pillugit qupperneq nutaaq, visitgreenland.com-imi
- Visit Greenlandimi siulersuisut nutaat
- Qimussiussisartoq ilisaritillugu videoliaq
- Nalaasaarfinniit 360 Greenland alutorsatigiuk
- Takornariaqarnermut paasissutissat naapertorlugit titartagartalersukkat Matthew Littlewoodip assilisai nutaat Librisimi: Nuummi, avatangiisit, Maniitsumi Kangerlussuarmilu assilisat 71it
- Peter Yanip assilisai nutaat0 Librisimi: Nuummi Ilulissanilu assilisat 10t
- Gunnar Gunnarssonip assilisai nutaat Librisimi: Nuummi Ilulissanilu assilisat 25t
- Jason Charles Hillip assilisai nutaat Librisimi: Avannaani assilisat 35t
- Bo Nomanderip assilisai nutaat Librisimi: Kalaallit Nunaanni uumasunik naasunillu assilisat 16t
- Peter Lindstromip assilisai nutaat Librisimi: Arctic Charter Boatimik angalalluni aalisarnermik nereqatigiinnermillu assilisat 18it
- Aningaaq Rosing Carlsenip assilisai nutaat: Two Raven angalatitsisoralugu tammaarsimaarnermik assilisat
- 929 Kalaallit Inuiattut Ullorsiornerannit assit 929t Librisimi ilanngunneqarput, Nuuk Snow Fest 2019, Ilulissanut seqernup nueqqaarnera, il.il.
Qaammatit siulliit ataaseq 2020
Marsi
- Coronavirus Status: B2C
- Coronavirus Status: B2B – taamaallaat Danskisut kiisalu Kalaallisut
- Paasissutissat ilusilersorneri nutaat: Kalaallit Nunaat pillugu paasissutissat 20t
- Pnngortitami uumasut pillugit qupperneq/ Wildlife powerpage
- Peter Lindstrømip assilisai maanna Librisimi takuneqarsinnaalerput. Kujataani assilisat 271t kiisalu Nuummi eqqaanilu assilisat 161it.
Februaari
- Lisa Germanyp Sarfaq Ittuk angallatigalugu assilisai 35t Libris-imi takuneqarsinnaapput
- Sarfaq Ittuk powerpage
- Kalaallit Nunaanni qilaasersorneq uaajeernerlu
- VGp Periusissatut Pilersaarutinik Saqqummiussinera
- Niuernermik saqqummersitsinerit: Sumut iluaqutaappat?
- VG Periusissatut Pilersaarutinik Videokkut saqqummiussinera
Januaari
- Video: Kalaallit Nunaanni seqinermit uuttoorrneq
- Atuagassiaq: Kalaallit Nunaanni silarlullerpat iliuusissat arfineq marluk
- Atuagassiaq: Sooq Nuummi juullisiortariaqarnermut pissutissat tallimat
- Qupperneq: Kalaallit Nunaanni angalanermi qanoq piffissaajannginnissaq angingasatigullu sipaarnissaq
- Atuagassiaq: Ilulissani nasiffissat 13it
- Video: Seqerngup nueqqinnera
- Librisimi assit nutaat 20t: Nuuk kiisalu Nuup Kangerlua – allattoq Peter Lindstrom
Novembari 2019
- Pisassat: Sermersuaqarfiit
- Sumiiffimmi ilisimasat pillugit video
Septemberi 2019
- Amerikansk interesse i Grønland
- Conan O’Brien i Grønland
- 2 promotionvideoer i samarbejde med South Greenland Boat Charter 44 og Tasermiut Camp
Visitgreenland.com-imi neqerooruteqartut ilisaritinnerat
Kalaallit Nunaanni takornarianik sullissisartuuit? Taava sullissisartutut ilisaritinnerit akeqanngitsumik visitgreenland.com aqqutigalugu saqqummersinnissaa, Visit Greenlandip neqeroorutigaa. Neqeroorut sumiiffinni takornarianik sullissisartunut sammisuutinneqarpoq, sumiiffinni sullissisut toqqaannartumik internetsikkut saqqumilaarnerunissaat anguniarlugu. Tamatumuuna anguniarneqarpoq, takornariat misiginiakkaminnik ajornanngitsumik nassaarsinnaanissaat, ilissilu nittartakkassinnut sammisaqarfinnullu allanut alakkarterisoqarnerunissaa anguniarlugu.
Neqerooruteqartutut ilisaritinnermut assersuut uani takusinnaavat imaluunnuut una aqqutigalugu attavigitigut; b2b@visitgreenland.com neqerooruteqartutut nittartakkamut ilanngunnissannut ilissinnit pisariaqartitagut pillugit annerusumik paasisaqarusukkuit.