– Nutaarsiassaatigut kingulliit uani nassaarikkit
Ataani nassaarisinnaavatit B2B-mit nutaarsiassat. Nutaarsiassanik e-mailikkut pisalerit, qaammatit pingasukkaarlugit nassitsisarpugut.
Visit Greenlandip Kalaallit Nunaanni takornariaqarnerup pingaarutaa pillugu misissuinermut nutaamut angalasut peqataaqqullugit qaaqquai
Angalaneq takornariaqarnerlu Kalaallit Nunaata aningaasaqarneranut, suliffissaqartitsinermut najukkamilu ineriartortitsinermut qanoq tapersiisarpat? Tamanna angalasunut nutaamik misissuinermi akissutissarsiniarneqassaaq. Taamaattumik Visit Greenlandip tikeraat aammalu Kalaallit Nunaanni najugaqartut angalasut misissuinermut peqataaqqullugit kajumissaarpai.
Visit Greenland nutaamik pisortartaarpoq
Visit Greenlandip siulersuisuisa Linda Kleist pisortassatut atorfinitsippaat. Taamaalilluni Anne Nivíka Grødemip tunuarniuteqarnerata kingorna pisortaagallarsimasoq Linda Kleist ingerlatseqatigiiffimmi siuttuuffiginnartussanngorpoq.
Visit Greenlandip ukioq 2025-mut naliliinera – nutaamik periusissiaqarluni, patajaannerusunik tunngavissatut nalunaarsuuteqarluni aammalu nunarsuarmioqatigiinnermut eqqummaarinnerulluni
Marlunngornermi ulloq 26. maaji 2026 ileqquusumik ataatsimeersuarnermi ukiumoortumik nalunaarusiaq 2025-moortoq Visit Greenlandip akueraa, ersarissaatigalugillu nunat assigiinngitsut akornanni Kalaallit Nunaannit annertunerusumik ukkassisimanerat, periusissiornikkut sammivimmik patajaannerulersitsineq aammalu takornariaqarnerup ineriartornerani najukkamik aallaaveqarnissamik ukkassinerusoqalernera ukiumi tamatumani sunniuteqarsimasut.
2026-imi Nunarput Nuanimi siunissami takornariaqarneq pillugu oqallinnerit ingerlaqqipput
Ataatsimoorluta siunissatsinnut ilusiliisussanut tunngasunik oqaloqatigiinnernik pitsaasunik isumaqarluartunillu qanoq ililluta Kalaallit Nunaani pilersitsisinnaavugut? Aamma qanoq iliorluta najugaqarfigut pitsaasuutinniarlugillu takornariarlugit orniginartunngortissinnaavagut?
Misissuineq nutaaq: Innuttaasut amerlanersaasa Kalaallit Nunaanni takornariartitsisarneq isumalluartumik isigaat
Visit Greenlandip nuna tamakkerlugu innuttaasunik misissuinerata nutaap takutippaa innuttaasut amerlasuut Kalaallit Nunaanni takornariaqarneq pitsaasutut isigigaat. Misissuinerup aamma takutippaa takornariaqarnermik ineriartortitsinermi oqaloqatigiinneq annertunerusumik pisariaqartoq, paasissutissiisarneq annertunerusoq najukkamillu peqataatinneqarnissaannut periarfissat pitsaanerusut pisariaqartut.
Visit Greenlandip pisortaa tunuarpoq
Maanna nalunaarutigaarput Visit Greenlandip pisortaa Anne Nivíka Grødem allamik misileerusulluni maajip naaneraniit pisortatut atorfimminit tunuarmat.
NUNATTA NUNANI TAMALAANI SAMMINEQARNERA
Nunarsuarmi politikkikkut pissutsit Nunatta nunanit tamalaanit sammineqarneranik nunarsuarlu tamakkerlugu tusagassiuutinit allaaserineqarneranik kinguneqaqqippoq. Paasissutissat naleqartitanik nunatut inuiaqatigiittullu ilisarnaatigisatsinnik tunngaveqartut aallaavigalugit Nunatta ersarissumik nittarsaannissaa nuna tamakkerlugu takornariaqarnermut siunnersuisoqatigiiffittut salliutipparput.
Visit Greenlandimit Juullimi Pilluaritsi Ukiumullu Nutaamut Iserluarisi
Ukioq naajartulerpoq, periarfissarlu manna iluatsillugu takornariaqarnermik suliaqarfimmeersut tamaasa, nuna tamakkerlugu takornariaqarnermi siunnersuisoqarfimmit Visit Greenlandimit, juullisiorluarnissaannik ukiumullu nutaamut iserluarnissaannik kissaappagut.
Nunatsinni takornariaqarnerup nunaqavissut peqatigalugit pilersinneqarnissaa innuttaasut isumaannik misissuinermi nutaami qulakkeerneqassaaq
Nuna tamakkerlugu innuttaasut isumaannik misissuineq, takornariaqarneq aamma takornariaqarnikkut ineriartortitsineq pillugu innuttaasut isumaannik naliliiffiusussaq, Visit Greenlandip maanna aallartippaa.
Siulersuisut Svalbardimut angalanerat issittumi takornariartitsinermut periarfissanik nutaanik pissarsiaqarfiusoq
Visit Greenlandimi siulersuisut novembarip aallartinnerani Svalbardimut paasisassarsiorlutik angalapput umiarsuarnik takornariaqarnermi allatigullu takornariaqarnermi issittumi avatangiisini mianerisassani qanoq ineriartortitsisoqarsinnaaneranut ilisimasanik misilittakkanillu pissarsinissaq siunertaralugu. Angalanerup siunertaraa siulersuisut ukiuni aggersuni periusissiatigut pingaarnersiugassanut suliatigut ataatsimut tunngavissaqartinnissaat – innuttaasunut Nunatsinnilu takornariartitsinermik inuussutissarsiuteqarnermut iluaqutaasussamik.
Visit Greenlandip nittarsaassinermi filmiliaani seqinersiutit nunarsuarmi pisoqaanersaat nersorniarneqartut: Greenland Goggles 2.0 – See Greenland through local eyes
Visit Greenlandip nittarsaassinermi filmiliaa Greenland Goggles 2.0 - See Greenland through local eyes - digitalitigut nassaassarsiullaqqinnermut nutaaliornermullu nersornaasiuttakkap The Lovie Awardsip ukioq manna nersornaasiinerani immikkoortuni Marketing, Advertising & PR: Branded Content-imi aamma Video Ad Long Form-imi bronzenik marlunnik nersornaaserneqarpoq.
Nunani avannarlerni takornariaqarnermi suleqatigiinnerisigut Kalaallit Nunaata Amerika Avannarlermut attaveqaatit nukittorsarpaat
Kalaallit Nunaata Amerika Avannarlermut niuerfinnut attaqaveqarnini nukittorsarpaa, sapaatip akunnera kingullermi The Nordics North American Roadshow-imi peqataareerluni - Nunat avannarliit arfineq-marluk akornanni ukiorpanngortuni suleqatigiiffiat, angallannermik takornariagassatut ornitassat akornanni attaveqaatinik pilersitsinissamik nunavillu akimorlugu angalatitsivinni takornariartitsisartunik pingaarutilinnik pilersitsinissamik siunertaqartumut.
Islandimi nunat avannarliit killiinut angalanermik nittarsaassisoqarnerani, kalaallit takornarialerinermik inuussutissarsiuteqartut nunat tamalaat akornanni tuniniaanikkut atassuteqaqatiminnik annertusaapput
Akureyrimi Islandimiittumi Nunani Avannarlerni angalanermik nittarsaassinerit annersaat, Vestnorden, ukiunik 40-nngortorsiortoq nalliuttorsiutigineqaqqammerpoq. Nunatsinnilu takornariaqarnikkut suliffeqarfiit 36-t tungaanut amerlassusillit, Kalaallit Nunatsinni nunallu tamalaat akornanni, suleqateqarnerminnik siuarsaaniarlutik niuernikkullu atassuteqaqatiminnik nukittorsaasimallutik peqataapput.
Greenland Tourism Awards 2025-mik nersornaaserneqartoq tassaavoq… Raw Arctic!
Raw Artic Aps-mik pilersitsisut nunatsinni takornariaqarnermut piffissap sivikitsup ingerlanerani aqqutissiuusseqataasumik suliffeqarfiliorput. Nunatsinni takornariaqarnerup akisussaassuseqartumik ingerlanneqarnissaanik tunngavileeqataalluarput, piujuartitsinermik aamma piorsarsimassutitsinnik kiisalu uppernassuseqarluartumik misigisassarsiortitsinissaminnik ukkatarinnittumik tunngavileeqataalluarlutik.
NUNARPUT NUAN – Visit Greenland takornariartitsineq pillugu oqaloqatigiinnissamut qaaqqusivoq
Innuttaasut inoqarfimminnut sunik kissaateqarpat aamma inoqarfimminni takornariartitsisoqartarnera qanoq malugisarpaat? Visit Greenland takornariartitsisarneq pillugu eqqartueqatigiinnissamut nunatsinni sumiiffinni assigiinngitsuni qaaqqusivoq.
Kangerlussuarmi Sisimiunilu pilerisaarinermi suliniutit Visit Greenlandip nukittorsarpai
Aggustip aallartinnerani Kangerlussuarmi Sisimiunilu nunap immikkoortuani misigisassat ukkataralugit Visit Greenlandimiit assiliiartortoqarsimavoq. Anguniarneqarpoq inunnut amerlanerusunut tikeraarnissamut kajungilersitsiniarluni, assinik videonillu pilersitsinissaq – taamaalillunilu sumiiffimmi takornariaqarnermik ineriartortitsineq taperserneqarluni. Angalaneq Arctic Circle Business aamma sumiiffinni takornarialerisut qanimut suleqatigalugit pilersaarusiorneqarpoq.
Visit Greenlandimi siulersuisut pisortamut isumaqatigiissut sivitsorpaat
Visit Greenlandimi siulersuisut pisortamut Anne Nivíka Grødemimut isumaqatigiissut piffissamut nutaamut ukiunik pingasunik sivisussusilimmut sivitsoqqammerpaat.
Visit Greenlandimit oqaaseqaat
Ilulissani takornariaqarneq pillugu aaqqiagiinnginneq. Visit Greenlandimi Kalaallit Nunaata nunarsuarmi tusaamaneqarnera nukittorsarniartarparput, takornariaqarnerup inuiaqatigiinnut tamanut naleqartunngornissaa qulakkeerniarlugu
Takornariat najukkamilu takornarialerisut atassutaat nukittorsarniarlugu Visit Greenlandip nittartakkani nutarterpaa
Kalaallit Nunaata ornitassatut soqutigineqarnera annertusiartuinnarpoq, nunanullu allanut timmisartuussisalernermi nunarput aatsaat taama tikikkuminarsitigaaq.
Nunat tamalaat akornanni takornarialerisut nukittuut nunatsinneersut
Ukiuni makkunani - minnerunngitsumik Amerikap avannaanneersunit pinngortitamik, eqqissisimaanermik misigisassanillu piviusunik ujartuisunit - Kalaallit Nunaat ornitassatut kajungerineqaleraluttuinnarpoq
QUPPERNERIT ALLAT MISISSUATAAKKIT
