Hotel Arctic, akunnittarfik sisamanik ullorialik, tallimanik ullorialinnik ataatsimiittarfinnik atortorissaarutilik
Akunnittarfik pilerinarluinnartumik inissisimasoq, illoqarfimmut, umiarsualivimmut aammalu iluliarsuarnut Ilulissat tusaamasaassutigisaannut isikkivilik. Taamaattumik Hotel Arctic qaqugukkulluunniit qaasuitsup killeqarfiata avannaa tikissallugu pilersaaruteqaruit ataatsimiiffittut, pikkorissarfittut, ataatsimoorfittut nalliuttorsiorfittullu atussallugu tulluarluinnarpoq, Akunnittarfik nunarsuaq tamakkerlugu pitsaalluinnartumik oqaaseqarfiusarsimavoq.
Ataatsimiittarfiit atortorissaarutaat tallimanik ullorialerneqarsimapput anginertaanilu inunnut 120-nut inissaqarluni – “Ini Kalaallit Nunaat” – isiginnaartitsinernuttaaq tusarnaartitsinernullu aamma atorneqarsinnaavoq. Inip angisuup saniani aamma ataatsimiittarfeqarpoq aammalu ineeraqarluni eqimattakkaarfiusunik, kiisalu isersimaartarfik nuannerluinnartoq. Soorunami atortorissaarutaasut teknologi nutaanerpaameersuupput aammalu nuannerluinnartumik assigiinngitsunik sammisassaqarfimmik iniiteqarluni.
Iluliarsuit avataani isikkivigalugit kusanaqaat, qanimullu inuussutissarsiutaasoq piniarneq aalisarnerlu misiginngitsoorlugu illoqarfik tikissagukku uggornassaaq. Nunami angalaarfissat nalunaarsorneqarlutik allagartalersorneqarsimasut aammattaaq ingerlaarfigineqartaqaat. Ukiukkut arsarnerit takunissaat periarfissaalluartarpoq aammalu 12-nik nukittuunik qimmilerluni qimusserneq misigineqarsinnaalluni, kiisalu aasakkut seqernup kaaviinnartup qaamanerani imaani angalaarnerit misigisassaasarlutik. Ullormut angalaarnerit imaluunniit ullut arlallit angalaarnerit pisariaqartitat kissaatigisalluunniit malillugit pilersaarusiorneqarsinnaapput – kiisalu eqimattanut ikinnernut amerlanernulluunniit tulluussarneqarsinnaallutik. Aammattaaq silaannakkut angallannermi qulimiguulik aammalu suluusalik atorlugu qulaaniit tamaat takuneqarsinnaavoq. Sunaluunniit toqqaraluarukku peqataasut inuunermi puigukkiutassatut misigisaqarnissaat qulakkeersinnaavat.
Ataatsimiittarfiit:
conference@hotel-arctic.gl
Mittarfimmut Aqq. B1128
3952 Ilulissat
Oqarasuaat: (+299) 94 41 53
E-mail: conference@hotel-arctic.gl