Hotel Søma Aasiaat

Aasianni Umiartortut Angerlarsimaffiat nutarterneqarsimasoq 46-nik ineeraqarpoq. Taakkunani qulit nutaavissuupput nutaamilu uiguliussamiillutik. Aqqanillit allat tamarmik nutartivinneqarsimapput.

Aasiaat 1800-kkut qiteqqusimalernerani arfannianit pilersinneqarsimavoq, qeqertalippassuaqarfiugamilu suli maannamut arfernit ornigarneqartarpoq, taamaattumillu Aasianni Umiartortut Angerlarsimaffiat naapiffittut ataatsimiiffissatulluunniit toqqarukku arfernik takunnissinnaaneq periarfissaqarluarluni. Maanna Aasianni Umiartortut Angerlarsimaffiat umiarsualiveqarfiup angallaterpassuit umiatsiaaqqallu amerlaqisut eqqannguanni inissisimavoq. Aneerasaartarfimmiit umiarsualiveqarfimmi pisut malinnaavigilluarneqarsinnaallutik. 

Unnuiffigineqarsinnaasut ineeqqat ullorissanik pingasunik nalilerneqarnikuupput, matumanilu ineeraatigut “naliginnaasumit qaffasinnerusut” eqqumaffigeqquagut. Katillugit unnuisarfimmi 36-nik ineeraqarpoq. 

Ataatsimiittarfik 1 inituuvoq qaammaarillunilu, avammut isikkiveqarluni inunnullu 25-nut inissaqarluni. Ataatsimiittarfik 2 aammalu ineeqqat eqimattakkaarfiusut tassunga atasut nutaajupput, qaamallutik kusanarlutillu, 2015-mi suliarineqarsimasut, ilusilersuisup pisataanik pisatsersugaallutik, kiisalu immikkut aneerasaartarfeqarluni. Ataatsimiittarfik 2 avammut isikkiveqarpoq inunnullu 14-nut inissaqarluni. Ataatsimiittarfiit tamarmik immikkut aneerasaartarfeqarput. 

Ataatsimiisitsigaluaruit kateritsitsigaluaruilluunniit sulisutta tamatigut pitsaanerpaamik sinaakkutinik pilersitsinissartik isumagissavaat. Ataatsimiittarfik seqersittaammik peqarpoq, allattuiffissanik mumittaarneqarsinnaasunik peqarluni, whiteboardeqarluni, Wi-Fi, kiisalu aamma surround højtalereqarluni. Atortorissaarutit tamarmik nutaaliaapput, allattukkat, immiussat, nipit il.il. ataatsimut atornerannut tulluarsagaallutik. 

Asimi immamilu angalaarnerit pilersaarusiorneqarsinnaapput, aammattaarli nammineq illoqarfiup 3000-it missaani innuttaasoqartup kiisalu Diskobugt tamakkerlugu inuusuttorpassuarnit ilinniarnertuunngorniarfeqarfiusup iluani takornariarsinnaavutit. Aasianni katersugaasivik inussiaateqarnermi aqutsisoqarfiusimasumi inissisimavoq. Katersugaasivik inuit inoqqaavisa oqaluttuarsartaannut tunngasunik saqqummersitsiviuvoq aammalu pingaarutilinnik illoqarfiup oqaluttuarisaaneranut tunngasunik katersugaateqarfiulluni. Periarfissaqartillutit ukiukkut qimusserneq misigeqqunaqaaq, aasakkut tikaagullinnik arfernillu “nunami qeqertaqarfioqisumi” takornariarfiulluarsinnaajuartarmat.