Katuami init initupput eqaatsumillu iluarsaanneqarsinnaallutik, taamaalilluni ataatsimiinnerit annikinnerusut kiisalu katerinnerit annertunerusut 488-it tikillugit inuttussusillit pilersaarusiorneqarsinnaallutik.

Ataatsimiittarfiit tamarmik ataatsimiittarfinnut piumasaqaatit malillugu aaqqissorneqarsinnaapput. Taamattaaq teknikikkut atortorissaarutilerinerup iluani, Katuaq nammineq teknikilerisoqarmat, nipilerinikkut, qullilersuinikkut aammalu isiginnaarutikkut oqarasuaatikkullu attavilersuinermik misilittagaqarluartunik.

Naliginnaasumik init tamarmik seqersertaatinik, skærminik aammalu whiteboardinik atortulersugaapput, ataatsimiittarfiillu tamarmik immikkut akiligassaanngitsumik imermik sikulimmik pappiaqqanillu allattuiffiusinnaasunik pilersorneqartarlutik. Sullitanik kiffartuussinerup tungaatigut Katuaq kissaatigisat malillugit annertuumik sullitaminut iliorusuttuartarpoq. Sulisut ilisimaneqaatimissut sullitaminnik nunarsuarmi suminngaanneeraluartunilluunniit qungujummik inuppalaarnermillu tunisillutik tikilluaqqusinissaminnut piareersimapput.

Katuaq kalaallisut qilaammut katuppalaarnermik isumaqarpoq, aammali Kalaallit Nunaanni kulturikkut illorsuup ateralugu, nunami illoqarfiit annersarisaanni Nuummi inissisimalluni. Illorsuup sananeqarnermi ilusaa pinneqisoq arsarnernit isumassarsiaavoq.

1997-imi ammarneraniilli illorsuaq assigiinngitsutigut sammisaqartitsinernut aammalu saqqummersitsinernut naapittarfiusimavoq, nunaqartuusunut aammalumi avataaniit tikittunut aaqqissuussaasunik. Illorsuaq café-qarpoq filmertarfeqarlunilu, tamarmik atorluarneqaqisut.
Katuaq ilusilersugaavortaaq assigiinngitsunik sammisaqarnernut tulluussakkamik allanngortiterisoqarsinnaanngorlugu. Angisuumik inersuaqarpoq, isaariaq, aammalu café, ilusiligaallutik ammalortup affaatut, kipparissutut aammalu pingasunik teqeqqulittut.