Nuummi Umiartortut Angerlarsimaffianni ataatsimiittarfiit pikkorissartitsiviillu

Akunnittarfik Kalaallit Nunaata illoqarfiit pingaarnersaanni inissisimasoq pingasunillu ullorialik 41-inik initaqarpoq taakkunani sisamat innarluutilinnut tulluussagaallutik.

Umiartortut, sanasut, takornariat imaluunniit ataatsimiinnernut peqataajartortut – tamarmik akunnittarfimmut Kalaallit Nunaata illoqarfiit annersaanni Nuummiittumut tikilluaqqusaapput.

Akunnittarfik pingasunik ulloriaqartoq 41-inik initaqarpoq, cafeteria-qarluni illoqarfimmi najugaqartut pitsaasunik neriartorfigisinnaasaannittaaq – ullaakkorsiutaappata, ullup qeqqasiutaappata imaluunniit unnukkorsiutaappata.

Ataatsimiinnerit, pikkorissarnerit katerinnerilluunniit allat inunnut 30-inut naatsorsuussat ataatsimiittarfiup initaani ingerlanneqarsinnaapput. Ataatsimiittarfiup anngajaap saniatigut eqimattanut ataatsimiittarfeqarpoq qaamasunik aammalu nuannersumik avatangiiseqartunik, kiisalu AV atortorissaarutinik nutaaliaasunik atortulersugaasunik ikkuffilersugaanngitsumillu internetimut attaveqalersinnaaffiusunik. Ataatsimiittarfiittaaq pingasunik ulloriaqarput.

Akunnittarfimminngaanniik umiarsualivimmi pisut malinnaavigisinnaavatit, kilisaatit, sinersortaatit imaluunniit nassiussanik assartuutit angallattut. Taamaakkaluartoq akunnittarfik sinilluarnissannut imaluunniit ataatsimiinnissamut allatulluunniit katerinnissamut eqqissisimaarnissannut nipaassusermik eqqissisimaarnissamillu avatangiiseqartinnissannik periarfissaliisuuvoq.

Illoqarfimmi angallannermi aaqqissuussisut arlaliupput, taakkualu illoqarfiup iluani angalaarnissannut, takornariarnissannut imaluunniit Nuup eqqaani kangerlunnut angalaarnissannut pilersaarusiornissamut siunnersuilluarsinnaapput.

Kalaallit Nunaata illoqarfiit pingaarnersaat pisoqarfiujuartarpoq, nammineerlutillu misigisassarsiornissannut periarfissaqarluarpoq – Illoqarfimmi Nunatta Katersugaasivia inissisimavoq, pisiniarfiit assigiinngitsut, naluttarfik, cafét arlallit aammalu imerniartarfiit.

SAAFFISSAT

Hotel Seamen’s home, Nuuk

Marinevej 3
3900 Nuuk

Phone: +299 32 10 29
E-mail: nuuk@soemandshjem.gl

Website
Facebook