Sulisut
Sulisut pillugit paasissutissat tulleriissakkat taakkununngalu akisussaaffiit.
→ Paasisaqarnerugit
Visit Greenlandip periusissaa
Visit Greenlandip periusissaa 2021-2024.
→ Paasisaqarnerugit
Atorfininnissamut periarfissat
Atorfininnissamut periarfissat. Piumassuseqarluartut aammalu pikkorissut naapinnissaat pilerigiuartarparput.
→ Paasisaqarnerugit
Attavigisigut
Uani Kalaallit Nunaanni aammalu Danmarkimi allaffeqarfitsinnut attaveqarfissat nanisinnaavatit.
→ Paasisaqarnerugit
Visit Greenland Kalaallit Nunaanni takornariaqarnikkut ineriartortitsinermi nuna tamakkerlugu aaqqissuisuuvoq Naalakkersuisullu ataanni suliffeqarfiulluni. Kalaallit Nunaanni takornariaqarnerup misigisassarsiorluarfittut aammalu umiarsuarnik takornariartaatinik ornigarneqarnissaannut pilerinarsaarisuussalluta aaqqissuussissallutalu ornitap ineriartortinnerasigut, nuna tamakkerlugu piffinnik ussassaarinikkut, nutaaliornikkut niuernikkullu ussassaarinikkut akisussaavugut.
Takorluugarput
Suleqatigisat peqatigalugit ukkataqarnikkut, ilisimasaqaqatigiinnikkut aammalu isummanik ineriartortitsinikkut akisussaaffimmik ineriartortitsineq pilersittarparput.
Naatsumik oqaluttuassartaq
Suliffeqarfik siornatigut Greenland Tourism-imik ateqarsimasoq 1992-imi Kalaallit Nunaanni takornariaqarnerup inuussutissarsiutigineqarnissaanik ineriartortitsinissamut siunertaalluni pilersinneqarsimavoq. Ukiuni siullerni sinersortaammik takornariaqarnikkut angalanernik neqerooruteqartarsimavugut. 1997-imiit niuernertaqanngitsumik ussassaarivittut ineriartortitsivittullu suliffeqarfiusimavugut.
2005-imi suliffeqarfiup atia ukkatarisani suliffeqarfeeqqat aammalu namminersorlutik aallarnisaasut aallunneqarnerulermata Greenland Tourism and Business Council-imut allanngortinneqarpoq.
2012-imi aammaarluni takornariaqarnerup ineriartortinnissaata annerusumik sammineqarnissaa aalajangiunneqarpoq. Taamaasillunilu suliffeqarfiup atia Visit Greenland-imut allanngortinneqarluni.
Sumiiffiit
Qullersaqarfipput Kalaallit Nunaanni Nuummi inissisimavoq, Danmarkimilu Københavnimi sinniisuuffiusumik aammattaaq allaffeqarluta.
2024-P TUNGAANUT PINNGITSOORANI ANGUSASSAT
#1 Misigisassarsiorluni takornarianit piumaneqarnerup annertunerulersinnissaa
#2 Kalaallit Nunaanni ukioq kaajallallugu takornariaqarneq
#3 Ilisimasanik avitseqateqarneq aamma piginnaasanik kivitsineq
#4 Killiliussani piumasaqaataasinnaasut siuarsarnissaat
NALEQARTITAGUT
Akisussaaffeqarneq
Ammasuuneq
Tunniusimaneq
Pilersitsisinnaaneq
Suleqatigiinneq
Siulersuisut
Annette Grønkjær Lings – Siulersuisut Siulittaasuat
Siimuup Aqq 16
3911 Sisimiut
865595/527616
anette@hotelsisimiut.gl
Hotel Sisimiut aammalu 67 ° N Tours-imi Pisortaq
Sisimiuni peroriartortoq, Akademiøkonomimi ilinniarsimasut takornariaqarneq immikkut ilisimatusarfigalugu.
Ukiuni kingullerni 15-ini Sisimiuni takornariaqartitsinermi pisortaasimavoq, nakornariaqarneq ussassaarinerlu ukkataralugu, Air Greenland Travelimi aqutsisuusimalluni. Piginnaasat tassaapput ineriartortitsineq, ussassaarineq, aammalu takornariaqarnermi sammisassaqartitsinerit piviusunngorsarnissaat, kiisalu “peqataanissamut peqqutissat” takornariarnermi unnuinerit aammalu angalaarnerit pillugit. Piffinni ilitsersuutinik suliarinninneq ineriartortitsinerlu, kiisalu akornariartitsinerup iluani ornitamik ussassaarineq ineriartortitsinerlu.
Morten Nielsen- Siulittaasup tullersortaa
Juuli 2018 aallarnerfigalugu Hotel Arcticimi allaffissornikkut pisortaq.
Taanna 1990imi Kalaallit Nunaannut pigami 1998 ilanngullugu Kangerlussuarmi akunnittarfimmi pisortatut Mittarfeqarfinni atorfeqarluni. 2000 aamma 2001 Morten Nuummi Hotel Hans Egedemi iniuernermut pisortaavoq. 2001imiit 2015ip tungaanut Morten Air Greenlandip iluani immikkoortortani pisortaasarpoq, kingullermik COOtut inissisimalluni. 2015imi Morten kangerlussuarmi Narsarsuarmilu assigiinngitsutigut siunnersuisutut suliaqarpoq. Ukiut ingerlaneranni Morten Hotel Arctic, Arcticimi, Umiaq Linemi, Arctic Circle Businessimi kiisalu Hotel Sisimiuni siulersuisunut ilaasortaasarnikuuvoq.
2020mi siulersuisunut ilaasortanngorpoq. Siornatigut aamma Greenland Tourismimi siulersuisunut ilaasortaasarnikuuvoq.
Pitsi Høugh – sulersuisunut ilaasortaq
Inunnrotoq 15.marts 1964, Qaqortumi
Alluitsup Paani peroriartorpoq
1983 NI, Nuummi Niuernermik Ilinniarfik
1997 EVU Takornarialerineq, Qaqortumi
Arctic Umiaq Line, 1994imiit 2004imut
2008miit namminersortoq – Greenland Sagalands ingerlallugu
Katifnnikuuvoq, sisamanik qitornaqarluni
Siulersuisunut ilaasortanngorpoq: 2020
Árni Gunnarsson - siulersuisunut ilaasortaq
Pisortaaneq, Air Iceland Connect
Árni Air Iceland Connectimi pisortaanertut marts 2005-imi toqqarneqarpoq. Taassuma siuliani Air Iceland Connectimi Niuernermi Ussassaarinermilu Pisortaanertut sulisimalluni, Iceland Travel Bureau/ITB-imi Pisortaanertut sulisimalluni, kiisalu Iceland Travelimi Pisortaanertut aammalu Icelandair Holidaysimi Pisortatut sulisimalluni. 1993-imiit 1997-imut tyskit angalanermi aaqqissuisoqarfiani FTI Munchenimiittumi Kingunerisassanik aqutsinermut Pisortaasimavoq. Árni Tysklandimi Augsburg Universitetimi aningaasaqarnermut tunngasumik ilinniarsimavoq. 2008-imiik 2014-imut Islandimi angallannermut tunngasumik peqatigiiffiup Siulersuisut Siulittaasuattut sulisimalluni, 2014-imiillu ERA European Regional Airline Associationip siulersuisuanni ilaasortaasimalluni. Árni Greenlandic – Iceland Champer of Commerce 2015-imiilli siulittaasuuffigisimavaa.
Sakiko Daorana - siulersuisunut ilaasortaq
Inunngortoq: 25. Juli, 1958 Kyoto, Japan
Ochanomizu University-imi Tuluttut oqaatsit aammalu oqaasilerineq MA-mik ilinniagaqarfigai
Kalaallit Nunaanni ussassaarinermi aammalu Kalaallit Nunaat tamakkerlugu ornitassanik aaqqissuussinikkut aqutsisutut takornariaqarnikkut suliniuteqartunut siunnersortitut namminersortoq. Air Greenlandimi ussassaarinerup iluani ataqatigiissaarisutut, Qaanaap Kommuniani takornariaqarnikkut Pisortatut, Greenland Tourismimi paasissutissanik ataqatigiissaarisutut, kiisalu Arctic Winter Games 2002-imi ussassaarinermi ataqatigiissaarisutut ukiut 20-it sinnerlugit Kalaallit Nunaanni misilittagaqartoq. Kalaallit Nunaannut nuunnginnermini Ussassaarinermi immikkoortortaqarfimmi Suntory Ltd Japanimi ukiuni 17-ini sulisimavoq. Siornatigut immami qajartornermik aallussilluartuusimavoq Kalaallit Nunaannukassutigisimasaminik, maannali ilaqutariittut piniarnermut aalisarnermullu soqutigisanut aallussinerulersimalluni.
Mia Scheel Kristensen- siulersuisunut ilaasortaq
Mia illuliassanik titartaasarfimmi ZESO Architectsimi atorfeqarpoq, tassani inuussutissarsiornikkut, takornariaqarneq ilanngullugu, immikkut sammisaqarluni. Taassuma akornusiinani piujuartitsineq, nunarsuatsinni anguniakkat, takornariarfissanik inerisaaneq kiisalu branding sulinermini sammisarai.
Mia assigiinngitsunut siunnersuisarfinni peqataavoq, akornusersuutaanngitsumik inerisaaneq, periusissanik pilersaarusiorneq kiisalu aalajangikkanik atuutsitsilernissaq pillugit siunnersuisarluni.
Ilinniagaa :
• “Niuernermik paasinnittariaaseq & Ineriartorneq”, CBS Executive Copenhagen Business School, 2017 – 18
• “Inerisaaneq & Aningaasat kaaviiaarneri”, Bradford University, School of Management, 2016
• “Akornusarsuutaanngitsumik ingerlatsinermut uppernarsaasersuinermi DGNB naapertorlugu siunnersorti”, Green Building Council DK, 2012 & 2017
• “Illunik titartaasartoq Cand. Arch”. Det Kgl. Kunstakademis Arkitektskole, Illunik titartaanermik ilinniarfik 2008
Siulersuisunut ilaasortanngortoq: 2020
SUMI NASSAARINEQARSINNAAVUGUT
Qullersaqarfipput Kalaallit Nunaanni Nuummi inissisimavoq, Danmarkimilu Københavnimi sinniisuuffimmik allaffeqarluta.
Attaveqarfissat pillugit maana paasisaqarit.
NALUNAARUTIT ILEQQOREQQUSALLU
Uani nassaarisinnaavatit ukiumut nalunaarutit Visit Greenlandimilu ileqqoreqqusat.
Piginnittuuneq
Visit Greenland tamakkiisumik Kalaallit Nunaanni takornariaqarnikkut aaqqissuisuuvoq. Kalaallit Nunaanni Namminersornerullutik oqartussanit 100%-mik pigineqarpoq, takornariaqarnerup iluani ineriartortitsinermi aammalu inuussutissarsiornikkut, kiisalu ussassaarinikkut pisinnaatitaaffeqarluni.
Visit Greenlandip siulersuisui Naalakkersuisunit toqqarneqartarput, tassanilu ilaasortat tallimaasarlutik.
Tusarniaanermi akissutisiat
Visit Greenland ataavartumik nalunaarusianik takornariaqaranerup iluani inatsisinut maleruagassanullu tunngasunik aammalu sinaakkusersuinermut tunngasunik tusarniaanernik saqqummiussikkajuttarpoq.
Ataatsimut isigalugu Visit Greenlandip tusarniaanerit ingerlattagai Kalaallit Nunaanni takornariaqarnikkut inuussutissarsiornerup iluani ineriartortitsinissap inuiaqatigiinnut pitsaanerpaamik sillimaniarnikkut, pinngortitamut aammalu avatangiisinik qajaginninnikkut qulakkeerinnikkumalluni ingerlattarpai.
NITTARTAGAQ SULI MISISSUATAARUK
