Kalaallit Nunaat takornariqarfittut aallarterlaajulluni issittumi nunat tamalaat akornanni tulleriissakkani inissinniarnissaminut, Kalaallit Nunaatalu ornitassatut nittarsaatiginiarnerani nunat tamalaat akornanni nittartakkatigut angalanernut tunngasumik attaveqaqatigiiffinnik pinngitsuuisinnaanngilaq.
Toqqaannaq sammisat iserfigikkit:
Visit Greenland Air Greenland aammalu/imaluunniit Air Iceland suleqatigalugit tusagassiortunik, ilanngutassialiortartunik, videografinillu tusaamasaalluartunik aammalu amerlanerpaanut sunniuteqarsinnaasunik suleqatissarsiortarpoq, niuernikkut pingaartinnerusatsinnik tassa Amerikap Avannaa, Europap kitaa, Skandinavia aammalu killilimmik Asiami malinnaasoqarluartunik. Freelancerinik aammalu suliffeqarfinnik attaveqaqatigiiffinnik ukkataqartunik kiisalu nittartakkatigut attaveqaqatigiiffinnik immikkut ilisimasalinnik suleqateqartarpugut.
Visit Greenlandip nittartakkatigut, printerinikkut aammalu nittartakkatigut attaveqaqatigiiffinnik annertunerusumik imarisanik pilersitsinissaq siunertaraa, taamaattumillu tamanna suliniutaatillugu fjernsynikkut aammalu radiokkut attaveqaatilerisunik aningaasatigut tapersiisinnaanani.
Tusagassiutitigut suliaqartut naliginnaasumik ataatsimik marlunnilluunniit inuttaqartassapput, tamarmik aalajangersimasumik angalanermut tunngasumik suliaqartuussallutik imaluunniit tunisassiornermi pingaarutilimmik atorfeqartuussallutik. Assersuutigalugu assiliinerni modelerineqartut aningaasaliiffigineqarsinnaanngillat. Tusagassiortugut immikkut angalanissaat aallunniartarparput, ataatsikkut oqaluttuassap assinganik pissarsiniartut allat peqatigalugit angalaqatiginnginnissaat anguniarlugu.
Allaaneruvorli nioqqutissaq ornitassarluunniit nutaarluinnaq nittarsaanniaraangatsigu. Taamaattoqartillugu angalanermi aaqqissuisut nipangersimasussaatitaanissamut ilanngullugit tusagassioriartornermi aallartitagut suliaqartittarpagut, taamaasilluta angalanissami aaqqissuisut aallaqqaaterpiaaniilli misigisassap nutaap nittarsaatinnginnissaannik qulakkeerinneqatigisarlutigit.
Assiliisartut pikkorilluinnartut aammalu pitsaasumik nittarsaassiniarnermik pilersitseqataasinnaasut suleqatigilernissaannut periarfissaqaraluartoq, Visit Greenland naliginnaasumik assiliisartunik videoliortartunilluunniit aningaasaliineq ajorpoq, ataani nittartakkatigut attaveqaqatigiiffiit pillugit takukkit.
Visit Greenland assiliisartunik nittartakkatigut attaveqaqatigiiffinni sunniuteqarluarsinnaasunik aammalu taakkunani nittarsaanerni ingerlatsinernik aqutsilluarsinnaasunik suleqateqartarpoq, soorlu Instagram aammalu Facebook eqqarsaatigalugu. Kalaallit Nunaannut angalanissannut billetisereersimaguit taava tikitsinnak malinnaavigilertigut, siunnersorsinnaassavatsigillu angalallutillu misigisassarsiorsinnaanissannut ikiorsinnaassallutit.
Imarisat assilissallu Kalaallit Nunaanni angalasunut sumik, qaqugukkut aammalu qanoq nunap misigisassarsiorfigineqarnissaanik takutitsisut ujartorpagut. Immikkut misigisassarsiornerit qaqugukkulluunniit tikilluaqqusaapput, aammattaarli piorsarsimassutsimik, misigisassanik, pinngortitamik immikkuullarissumillu soqutigisanik ataatsimut nikerarsinnaasunik ujartuilluta.
Atuisutut aqunnilinnik imarisanik ikkussisoqassatillugu nittartakkatigut attaveqaqatigiiffinni aaqqisuisugut isumaqatigiissuteqarfigisarpagut qaqugukkut ikkussassaq saqqummiunneqassanersoq, toqqaannartumik immiussineruppat imaluunniit angalanermik nittarsaassineruppat. Imarisassamik pilersitsisussaq minnerpaamik assinik qulinik nassiussissaaq 30-50 missaani oqaasertalinnik nalilerneqartussanik. Minnerpaamik asseq ataaseq imarisassanik pilersitsisussap asserissavaa paasissutissartaqarluni ilisaritinnertaqarlunilu. Visit Greenlandip assit saqqummiutissavai, imarisassaanilli pilersitsisup attaveqaqatigiiffik sap.ak. tassani malinnaaffigissavaa.
Visit Greenlandip Kalaallit Nunaata nittarsaanniarnerani oqaluttuassartat saqqummiunnissaannut ikiuunnissat pisariaqartippaa, matumani nuna aqqutissiuisuusoq pillugu, Big Arctive Five aammalu misigisassarsiorfittut ornitassaanera pillugu.
Taamattaaq ikiortigerusuppatsigit Kalaallit Nunaanni misigisassat nutaat pillugit nutaarsiassat saqqummiunnissaannut, soorlu illuaqqat nutaat, pisuttuarnerit assiliiffiusut, savaateqarfinniinnerit, nerisassiorneq, digital detox aammalu immiornerit pillugit.
Nammineq ikkussuininni saqqummersitsinerpit saniatigut Visit Greenlandip tusagassiortut immikkuullurissumik imarisamik saqqummersitsisinnaasut pingaartippai, attaveqaatitigut immikkut assiliisartumut aningaasartuutigisariaqanngisatsinnik pingajorisamiit atorneqarsinnaanissaanik akuersissuteqaatiliarisinnaasatsinnik, soorlu nittartakkatsinni Visitgreenland.com-imi atorsinnaasatsinnik.
Visit Greenland Kalaallit Nunaanni takornariaqarnermi aaqqissuisuugaluarluni attaveqaqatigiinnermilu assigiinngitsutigut aningaasaliisinnaagaluarluni Namminersornerullutik Oqartussat ataanni suliffeqarfiunerput, ukiumullu aalajangersimasumik aningaasaliiffigineqartarnerput peqqutaalluni tamakkiisumik tusagassiuutilerinermi angalanernut 100%-imik aningaasaliisinnaaneq ajorpugut.
Visit Greenlandimit aningaasaliiffigineqarneq tassaasinnaavoq nunanit allanit angalaniarnermi Københavnimiit Reykjavikiminngaanniilluunniit, attaveqarfitsinnit marluusuniit angalanerit aningaasaliiffigineqarnerat, imaluunniit Kalaallit Nunaata iluani angalaneq najugaqarnerluunniit.
Piffiit ilaanni ullormi ataatsimi pisussanut tamanut imaluunniit misigisassanut aningaasaliisinnaasarpugut. Aningaasaliinerit tamarmik immikkut tunngavilersorneqarlutik ingerlanneqartarput.
Visit Greenlandimiit aningaasaliiffigineqarnissannut qinnuteqarniaruit, attaveqaqatigiinnermi suliaqartut tamarmik Media Request Form-imik immersuisimanissaat innersuutigissavarput.
Visit Greenland attaveqaqatigiiffinnik atuinernut ataani allassimasut najoqqutaralugit malittarisassaqarpoq:
- Kalaallit Nunaat pillugu paasisassarsiorneq ilisimatusarnerlu Malugiuk sukumiinerusumik paasisassarsiornerit salliutinneqartarmata
Imarisat aammalu oqaluttualiat pitsaassusaat - Content and storytelling quality
- Isummanik siaruarteriviit aammalu isumalioqatigiissitat, pingaartumik attaveqaqatigiiffinni misigisassarsiornermut tunngasut
- Niuerfiit pingaartinneqarnerusut angunissaat
- Naleqartinneqarnerusut
Soorlu isumalioqatigiiffiit sukumiinerusut pitsaanerupput! Allaaserinnittartuuguit assiliisartuuguilluunniit angalanissanittaaq ingerlatsisartuullutit pingaartinneqarnerussaatit - Namminersorsinnaaneq
Malugiuk, qinnuteqaatit namminersortumik ingerlatsisinnaanermut ersersitsisut, soorlu angalaarnissamut pilersaarusiorsinnaanissamut piffissaliisinnaanermullu aaqqissuisinnaasut pingaartinneqarnerussapput
Visit Greenland siammasissumik assinik aammalu videolianik assinik toqqortaasivimmik neqerooruteqarpoq, amerlanerpaartaat nammineq assiliisartutsinnit assilisaapput ilaali aamma nunanit allanit suleqatigisatsinnit pissarsiaallutik.
Visit Greenlandip imarisanik atuisinnaanernut akitsuusersugaanngitsumik periarfissaliisuuvoq.
Taamaallaat assit filmilluunniit akuersissuteqaatini sinaakkusilersuutaasut malinneqarnissaat piumasaraarput, aammalu eqqortumik akiligassiissutiliussasutit.
Assinik toqqorsivipput media database iserfigalugu imarisat alakkakkit.
Tusagassiortuuguit, ilanngutassialiortuuguit, imaluunnit nittartakkakkut attaveqaqatigiiffinni sunniuteqarsinnaalluaruit Visit Greenlandimiillu aningaasaliiffigineqarnissamik qinnuteqarniaruit, qinnuteqartut tamarmik Media Request Form-imik immersuisimanissaat innersuussutigissavarput. Malugiuk, qinnuteqaatit suleqatigineqarnissamik periarfissalikkat kisimik akineqartarmata, taamaakkaluartorli ukiup tulliani qinnuteqaqqinnissannut tikilluaqqusaavutit.
Nittartakkakkut attaveqaqatigiiffiit aammalu Kalaallit Nunaat pillugu aningaasaliiffiginertaqanngitsumik saaffiginnissuteqarniaruit taava uunga allagit social@greenland.com.
Allatigut aningaasaliiffiginertaqanngitsumik saaffiginnissuteqarniaruit taava uunga allagit press@greenland.com.
NITTARTAGAQ SULI MISISSUATAARUK
