Takornariaqarnerunerup tungaanut, Visit Greenlandip takornariaqarnermi periusissiaa 2021-2024
– Takornariaqarnermi annertusiartornerup, nutaaliornerup akisussaassuseqarnerullu ataatsimut iliuuseqarfiginera
ASASARA ATUARTOQ,
Visit Greenlandip 2021-2024 periusissiaa nutaaq, ”Takornariaqarnerujartornermut” saqqummiussinnaagatsigu assut nuannaarpunga.
2016-2018 piffissami periusissiorfiusumi siuliani Kalaallit Nunaanni nunamit allamiut unnuisartut amerleriarnerat (DK ilanngullugu) 10,8% misigivarput, nunamit allamiut timmisartumut ilaasut (DK ilanngullugu) 3,3% kiisalu sinersorluni umiarsuarmik takornariartut amerlassusaat annertoorujussuarmik 88,7%-imik qaffariartoq.
Taamatut pitsaasumik ineriartornerup nassatarisaanik siumut 2024-p tungaanut isiginissaq piffissanngorpoq.
Ukiuni aggersuni Kalaallit Nunaata tikinneqarsinnaanerulerneranik neriuuteqarnermi soorunami pingaaruteqarpoq, takornariaqarnerunermut ilutigitillugu pinngortitatta aamma inuiaqatigiinni illoqarfiit nunaqarfiillu mikisut paarilluarnissaat soorunami pingaaruteqarpoq.
Taamaattumik takornariaqarnermik inuussutissarsiuteqarnerup soqutiginnittui tamaasa oqaloqatiginerisigut suleqatiginerisigullu Kalaallit Nunaata takornariaqarnermi ineriartornera piujuartitsinissamik tunngaveqarnissaa qulakkiissavarput. Takornariaqarnerummi inuiaqatigiinni pitsaasumik ineriartorneq tunniussaqarfigissavaa, takornarissanut aamma najukkami inuiaqatigiinnut, aningaasaqarnikkut siuariartornikkut, sulisoqarnikkut aamma misigisassanik periarfissaqarnerunikkut.
Piujuartitsineq Visit Greenlandip periusissiaani tamarmi qulequtaavoq, nuannaarutigaarpullu periusissiaq una aqqutigalugu Visit Greenlandip nunarsuarmi anguniakkanut tunngatillugu iliuusai saqqummiussinnaagatsigit.
Atuarluarina
Julia Pars (Visit Greenlandimi pisortaasimasoq)
Nutaarsiassat kingulliit
Misissuinerit kingulliit takutippaat takornariat nunanit allaneersut qanoq naleqartigineri
Takornariat nunanit allaneersut nunatsinni inuussutissarsiornikkut ukiuni kingullerni annertusiartuinnartumik inissisimalerput.
Nittartagaq nutartigaq atorlugu takornariartaassuit nunamut iluaqutaalluartumik tunniussaqartarnissaat qulakkiissuaa
Kalaallit Nunaat takornariartaassuit tikissallugu nuannareqaat aammalu ilimanarsereerpoq ukioq 2024 tassaaniartoq aatsaat ...
Susassaqarfiit sumiiffinni takornariaqarnermik suliaqartut akimorlugit suleqatigiinneq ataatsimut nukissaqalersitsivoq
Visit Greenlandip ulluni marlunni nunatsinni immikkoortuni Destination Management Organizations (DMO-nik taaneqartartut, tassalu tikiffinni kattuffiit aaqqissuussinermik suliaqartut) ataatsimiiteqqammerpai, tassanilu siunertaavoq takornariaqarnermi ineriartortitsinermi suleqatigiilluarnissaq aammalu nuna tamakkerlugu takornariaqarnermi suliaqartut suleqatigiilluarnerat nukittorsassallugu.
