Agentinik ilinniartitsineq
Neqeroorutitsinnik sinersortaatinillu angalanernik tuniniaasuugussi immikkut kissaateqartoqartillugu Visit Greenlandimiit aallartitamik allaffissinnut aggertoqarluni neqeroorutit, agentitut ilinniarnerit aammalu nioqqutigisagut pillugit paasissutissiiartortoqarsinnaavoq. Taamaasillutit toqqaannartumik apeqquteqarnissannut aammalu Kalaallit Nunaanni takornariaqarneq pillugu paasisaqarnerunissannut periarfissaqassaatit.
Kalaallit Nunaat pillugu ilisimasalittut nittartagaq aqqutigalugu sungiusarneq
Qanimulli naapinnissaq ajornaatsuinnaaneq ajorpoq!
Sullitanut tuniniaasinnaajumallutit Kalaallit Nunaat pillugu sukumiinerusumik paasisaqarnissat pisariaqartippiuk? Greenland Expert pikkorissaanerit isiginnaarnerisigut Kalaallit Nunaannut angalanerit pillugit sinniisuusinnaanngornissat neriuutigaarput.
Nittartakkatigut isiginnaagassiaatigut nunap assingatallit, assiliartalersukkat aammalu filmitallit isiginnaarneqarsinnaapput, ornitap paasilluarneqarnissaa anguniarlugu.
AALLARTIGIT
Greenland Expert 101 angalasut sooq Kalaallit Nunaannukarnissartik takorluugarisarneraat pillugu tunngaviusumik paasissutissiissutaavoq, Kalaallit Nunaanni sulerisoqarsinnaaneranik, qanoq angalassanerluni, suut nassassanerlugit aammalu naliginnaasumik apeqqutigineqakkajuttartut assigiinngitsut pillugit.
Greenland Expert 101 pillugu ataani filmit allassimasut toorlugit isiginnaarit.
Ataani allassimasut toorlugit toqqaannaq sammisaq pillugu paasisaqarit:
– Teaser
– Pikkorissarneq tamakkiisumik
– Sooq Kalaallit Nunaat tikikkusunneqartarpa?
– Nuna tamakkerlugu takussutissiaq
– Kalaallit Nunaannut angalaneq qanoq ingerlasarpa
– Kalaallit Nunaata iluani angallanneq
– Apeqqutit apeqqutigineqakulasut
– Kalaallit Nunaannut angalanissamut immikkut soqutiginninneq
– Kalaallit Nunaanni silap pissusaa ilutigalugu qanoq atisaqarnissaq
TEASER
Greenland.com-imut ilassutitut, isumassarsiassatut aammalu Kalaallit Nunaat pillugu paasissutissiissutitut nittartakkatigut pikkorissarnerit isiginnaagassiartallit, nunap assitallit, aammalu kusanarluinnartunik assitalersugaallutillu filmitallik ingerlappagut. Siunertaralugu neriullutalu Kalaallit Nunaannut angalanerit pillugit ilisimasalittut sinniisuulersinnaassasutit.
Pikkorissaanerit tamakkiisumik
Kalaallit Nunaannut angalanissap pilerigineqartarnera pillugu tunngaviusumik paasissutissiissutaavoq, Kalaallit Nunaanni sulerisoqarsinnaaneranik, qanoq angalassanerluni aammalu naliginnaasumik apeqqutigineqakkajuttartut assigiinngitsut pillugit. Ilitsersuisoq: Sarah Woodall.
Angalasut sooq Kalaallit Nunaannukarusuttarpat
Peqqutaasut assigiinngitsorpassuusinnaapput apeqqutaalluni angalasut soqutigisai sumut tunnganersut
Nuna tamakkerlugu takussutissiaq
Kalaallit Nunaat nunalerinikkuttaaq ilisaritikkusupparput.
Kalaallit Nunaannut angalaneq
Kalaallit Nunaannut angalaniarnerup qanoq ingerlasarnera eqqartoriartigu. Kalaallit Nunaannut angalaniarnermi nunat tamalaat akornanni sisamanik toqqammaveqarpoq.
Kalaallit Nunaata iluani angalaniarneq
Kalaallit Nunaanni illoqarfiit najugaqarfiusut avataanni aqqusineqanngitsugut ilisimaviuk? Taamaakkaluartoq najugaqarfiit illoqarfiillu sineriak tamakkerlugu qaqqaqarfiusumi 80-iupput.
Apeqqutit apeqqutigikkajunneqartartut
Kalaallit Nunaanni nannut pissaaneqarnerpaatut ilisimaneqarput. Nannunik naapitsineq allatuullu ussassaarutigisanngikkaluarigut taamaakkaluartoq angalasut nannumik takunnissinnaanermut ilimanaateqarnera alapernaaserfigisaqaat, taamaattoqartillugulu qanoq iliuuseqassanerminnik paasinnikkusuttarlutik.
Kalaallit Nunaanni immikkut soqutigisaqarluni angalaneq
Immikkut soqutigisat taakkuupput akulikitsumik nalaassinnaasakkagut, Kalaallit Nunaannut angalanissaminnik siunnerfeqartut.
Kalaallit Nunaanni silap pissusaa ilutigalugu qanoq atisaqarnissaq
Maanna silap qanoq issinnaanera pillugu unneqqarissalluni tulluarluinnarpoq angallannermi pissutsinut sunniuteqartaqimmat.