Apriilimi 2023-mi Nuummi ataatsimeersuaarnermi Towards Better Tourismimi suliffeqarfiit kattuffiillu peqataasimasut 70-init amerlanerusut ataatsimoorlutik nutaamik neriorsuusiorsimapput. Saniatigut nuna tamakkerlugu takornariaqarnermi inuussutissarsiut tusarniaanerni ilanngunneqartarsimavoq nunallu ilaani takornariaqarnermi isumalioqatigiissitat siunersiueqatigalugit pilersinneqarsimalluni.
Taaguummi “Our Pledge Towards Better Tourism” kalaallit takornariaqartitsiviata aqqut ataatsimoorussaq saqqummiuppaa, neriorsuutitut ilusilerlugu, suliffeqarfiit takornarialerisut neriorsuisimasut taamaalillutik pisussaaffeqalerput malitassaminnik. Neriorsuut, tallimanik pingaarnernik sammisaqarpoq, ilaatigut Kalaallit Nunaata pinngortitaata naleqassusaanik kulturianillu ataqqinninnissaq nakussassaanissarlu pillugu, sumiiffinni peqatigiinnerit suliffeqarfiillu salliunneqarnissaat pillugu kiisalu inuusuttunut takornariaqarnermi periarfissanik nutaanik pilerinartunillu pilersuinissaq pillugu. Ataatsimoorullugu neriorsuut taakkulu sammisat tallimat takornariaqarnermi ineriartortitsineq ataatsimut pingaartillugu aammalu Kalaallit Nunaat pillugu peqatigalugulu pingaassusermik pilersitsinissamut qularnaatsuunissamullu tapersiissapput.
“Our Pledge Towards Better Tourism”, apeqqutaalluni mittarfittaassat nutaat Kalaallit Nunaanni takornariaqarnermik ersarissumik qaffassaanermik kinguneqassanersut tunaartaralugit pissaaq, aammalu nunami takornariaqarnermi periusissiamik nutaamik, inuiaqatigiinni takornariaqarnermi aamma inuiaqatigiit takornariaqarnermi qaffannikumi, oqaasertalersuinissamut suliami ilaassalluni.
”Takornariaqarnermi suliffeqarfiit peqatigiiffiillu akornanni takornariaqarnermi ineriartornerup ataatsimoorussamik piujuartitsisumillu ingerlaarnissamik kissaateqarput”, Visit Greenlandip pisortaa, Anne Nivíka Grødem oqarpoq. Nangillunilu: ”Taamaammat nuannaarutigaara takornarialerinermi inuussutissarsiut nammineerluni aqqutissamik erseqqarissumik takornariaqarnermi ineriartortitsineq piujuartitsisup tungaanut ingerlaarfeqarami, Kalaallit Nunaannut iluaqutaasussamik.”
Anne Nivíka Grødem erseqqissaavoq, takornariaqarnermi suliffeqarfiit ataatsimoorussamik neriorsuutigisaat nutaaq upernaaq ataatsimeersuaarnermit, Towards Better Tourism nuna tamakkerlugu takornarialerisunit 100-nit amerlanerusunit peqataaffigineqartumit, toqqaannartumik inerniusoq. Ataatsimeersuaarnermi peqataasut ataatsimoorlutik arlalinnik commitments-inik erseqqissaasimapput kiisalu Kalaallit Nunaanni siunissami takornariaqarnermut kissaatit neriuutillu pillugit najoqqutassiorlutik.
”…qaammatit kingulliit ukuninnga paasisatsinnik misissueqqissaarsimavugut takornariaqarnerullu siunissaanut nersiorsuusiorsimalluta – pledge, tassaasoq inuussutissarsiutitsinnut immikkoortortaqarfitsinnullu ataatsimoorluta pingaartitatsitut, aqqutissatut aammalu tummarfittut atuagassaq. Aammattaaq Kalaallit Nunaanni takornariaqarneq pitsaanerusumik piujuartitsisumillu ineriartortinnissaanut ataatsimoorullugu angusaqarusussusermik aallussinissatsinnut ataatsimoorfissaraarput”, Anne Nivíka Grødem oqarpoq.
”Our Pledge Towards Better” saqqummiunneqarnerata sivitsorneqarnerani Visit Greenland neriuppoq takornariaqarnermi suliffeqarfiit suleqataasullu kalaallit tamarmik neriorsuummut ilanngukkumaartut. Tamanna kinguneraa ”pledgers” tamarmik – imaluunniit neriorsuummut atsioqataasut – neriorsuutip ilisarnaataa nittartakkaminnut ikkussinnaammassuk taamaalillutillu tuniniaavinni attaveqaqatigiinnermi atorneqarsinnaalluni. Suliffeqarfiit peqataasut Visit Greenlandip nittartagaani vg.com/pledge-mi saqqumilerumaarput nunanilu assigiinngitsuni tuniniaasarnerni sammisaqarnerni saqqumisarumaarlutik.
Naggasiullugu, iliuuseqarneq taanna Kalaallit Nunaanni takornariaqarnermi immikkoortortaqarfimmi, nunatsinni takornariaqarnermi suliffeqarfiit kissaataasa allattorsimaffianni sivisuumik qullasittumiittarnikuulluni nunaniillu allanit apeqqutigineqakkajuttarnikuulluni, uppernarsaateqalernissamut programip tungaanut alloriarneruvoq siulleq.
vg.gl/pledge-mut iserlutit ”Our Pledge Towards Better Tourism” pillugu atuarit.
Research & Public Affairs Consultant, Rosannguaq Rossen attavigiuk paasisaqarnerorusukkuit rosa@visitgreenland.com, tlf. +299 52 68 82
Continues further down the page...