Hotel Sisimiut pingasunik ulloriaqarpoq, 40-nik initaqarluni, ataatsimiittarfittut kateriffeqarluni, bar-eqarluni aammalu neriniartarfeqarluni gourmet-nik sassaalliuteqartumik.
Sisimiut Kalaallit Nunaanni illoqarfiit anginersaasa tullerivaa. 5600-inik innuttaasoqarpoq 200km-iinnarnillu Qaasuitsup Killeqarfiata avannarpasissuani inissisimalluni – imaluunniit timmisartumik 20-minutsinik Kangerlussuarmiik ungasissuseqarluni. Hotel Sisimiut illoqarfiup qeqqani inissisimavoq sisamanillu ullorialinnik atortorissaarusersugaalluni, ataatsimiinnerni katerinnerniluunniit inunnut 4-niik 50-nut isissaqarluni. Annerusunik kateriffinnik pisoqassatillugu Hotel Sisimiut illoqarfimmi kulturikkut illorsuarmik suleqateqarpoq, tassani ataatsimiittarfimmi inuit 60-it inissaqarlutik tusarnaartitsisarfimmilu inuit 250-it inissaqarlutik.
Sisimiuni aammalu sisimiut eqqaanni arlalinnik sammisassaqartitsiveqarpoq misigisassarsiorfeqarlunilu – aasakkut aammalu ukiukkut aallunneqarsinnaasunik. Ukiumi qamuteralannik angalaarfigissallugu aammalu qimusserfigissallugu arsarnersiorfigissallugulu tulluarluinnarpoq, aasakkut seqernut kaaviinnarfiani kangerlunnut nunaqarfinnullu takornariarnerit tulluarluinnarlutik. Ukiup qanoq ilinera apeqqutaanani qaqqat qimerluussallugit periarfissaalluartarpoq, pinngortitarsuup kusanarnera qimerluuinnarusukkukku misigisassarsiorfigerusukkukkuluunniit.
Hotel Sisimiut ilaqutariinnit ingerlanneqartoq immikkuullarissumik nuannerluinnartuuvoq nunatta pissarititai atorlugit illoqarfimmi piniagassat najoqqutaralugit nerisassanik pissarsinissamik pingaartitaqartoq, kiisalu sullitat najugaqartullu pitsaasumik akunnittarfimmiinnissaat isersimanissaallu isumagissallu pingaartitsisoq. Sisimiuni tikilluaqqusaasutut misigineq pissarsiariuassavat, akunnittarfimmiinnaanngitsoq, aammali illoqarfimmi mikisumi immikkuullarissumik nuannersumi pisuttuaannaraluaruilluunniit.
Aqqusinersuaq 86
3911 Sisimiut
Oqarasuaat: +299 86 48 40
E-mail: mail@hotelsisimiut.gl
