Lonely Planetip saqqummersitaani nutaami, “Best in Travel 2024“-mi, Kalaallit Nunaat ornitassani piujuartitsisuni pitsaanerpaat ilaattut saqqummiunneqarpoq. Lonely Planetip ukiuni 50-nngortorsiorluni saqqummersitsinerani, ornitassaqqissut 50-t allaaserineqarput. Kalaallit Nunaata ornitassatut akuersaarneqarnera, piujuartitsisumik takornariaqarnissamut pimoorussinitsinnik takutitsivoq, angalasartullu Kalaallit Nunaata kusanassusersuanik misigisaqarnissaannik periarfissinneqarput. Pilersaarut malillugu “Best in Travel 2024”, 25. oktobari 2023 saqqummersinneqassaaq, tusagassiuutinilu assigiinngitsuni atuarneqarsinnaassalluni.
Visit Greenlandip aamma tulluusimaarutigalugu piujuartitsinissamut neriorsuut nutaaq ilissinnut nalunaarutigaa. Lonely Planetimit isiginiarneqarneq tulluusimaarutissaannaanngilaq, tamanut iluaqutaasumik takornariaqarnermik pilersitsiniarnitsinni pimoorussinitsinnik aamma takussutissiivoq. Oqaluttuatoqaatigut piujuartitsinermut tunngasut isumassarsiorfigineqarput – tassa neriorsuut Sassuma Arnaanik ataqqinnittoq.
Angalanerit nunamik piorsarsimassutsimillu pingaartitsisut nuannaraagut. Ukiup ingerlanerani pissutsinut aggersunut naleqqussartassaagut, sumiiffimmilu inuiaqatigiit, tikeraat Kalaallillu Nunaat salliuttuaannarnissaat anguniartuaannarusullugu. Sumiiffimmi suliassaqartitsineq nukittorsartuaannarusupparput, sumiffimmi pingaartitanik saqqummiisassalluta kiisalu takorluukkatta assinganik takorluugalinnik suleqateqartassalluta. Takorluugarput ersarippoq: Kalaallit Nunaannut iluaqutaasumik takornariaqarneq pitsaanerusoq.
Continues further down the page...