Takornariaqarneq pitsaanerusumut neriorsuutitsinnut atsiorit
SOORUNA NERIORSUUT?
Neriorsuutip Kalaallit Nunaanni takornariaqarnermi pingaartitat, angorusutallu takutippai. Nunatsinni takornariaqarneq piujuaannartumik aallaavilimmut alloriarneq siulliuvoq. Neriorsuutitta siunissami anguniakkanut aqqutissiusseqataassaaq, neriuppugullu takornariaqarneq pitsaanerusumut ingerlanitsinni peqataarusussasutit.
NERIORSUUT
TAKUTITSINEQ
Takutitsigit qanoq takornariaqarneq pitsaanerusoq angorusullugu sulinerlutit
OQALUTTUARIT
Neriorsuut siammarteruk, qanorlu illit takornariaqarneq pitsaanerusoq anguniarlugu sulinerlutit oqaluttuariuk
NERIORSUUTERPUT
Kalaallit Nunaat avammut ammariartuinnartillugu nunatsinnullu tikittartut amerliartuinnartillugit takornarialerineq pitsaanerusoq angorusulerparput, eqqarsaatigilerlugulu Kalaallit Nunaanni takornarialerisuusutut uagut takornariaqarneq Kalaallit Nunaannut tamarmut qanoq iliorluta qanillattorsinnaanerlugu.
Piujuartitsineq pillugu oqaluttuatoqaaterput qiviarparput, Sassuma Arnaanik oqaluttuaq qiviarparput, takornariaqarnerullu ineriartortinneqarnerani pinngortitarsuup, inuup kulturillu oqimaaqatigiissineqarnissaat neriorsuutigalugu.
Neriorsuuterput takornariaqarneq pitsaanerusup angorusunnerani tallimanik siunertaqarpoq;
PIUJUARTITSINEQ
Neriorsuutigaarput takornarialerinermi pinngortitarsuaq asseqanngitsoq kulturikkullu assigiinngisitaarnerput ataqqineqarlutillu
piujuartinneqassasut.
SILA
Silap atugassarititai malissavagut. Neriorsuutigaarput ukiup qanoq ilinerini Kalaallit Nunaata takornariarneqarnissaanut pissutissaasinnaasunik pilersitsiniarluta suliniuteqassalluta, peqatigitillugulu takornariat, takornarialerisut najugaqartullu atugaat, pitsaassusii isumannaassusiilu pingaartittuassallugit.
TAPERSERSOQATIGIINNEQ
Neriorsuutigaarput nunaqartut tapersersussallugit. Najugaqartut tunisassiaannik, suliffeqarfiutaannik, kulturiinik inuussutissarsiutaannillu ineriartortitsiniarluta suliaqarnissarput neriorsuutigaarput, peqatigitillugulu nunarsuarmioqativut takornarialerisut suleqatigiissuteqarnermikkut suleqataanermikkullu Kalaallit Nunaata inuinut tapersersuisut tikilluaqqussavagut.
AQQUTISSIUUSSEQATAANEQ
Neriorsuutigaarput periarfissanik pitsaanerusunik pilersitsissalluta. Neriorsuutigaarput suleqatigiinnitsigut Kalaallit Nunaata allaassutaanut takorusunneqartartuinullu naapertuuttumik takornarialerinermik ilinniagaqarsinnaalersitsissalluta Kalaallit Nunaannilu inuusuttuusunut pingaarutilinnik periarfissaqalersitsissalluta.
SULEQATIGIINNEQ
Neriorsuutigaarput Kalaallit Nunaanni takornarialerisugut inuiaqatigiittullu suleqatigiinnissalluta, Kalaallit Nunaannullu naapertuuttunik nunatsinnut tamarmut iluaqutaasussamik takornarialerineq pitsaanerulersissallugu.