Akissarsisitsineq Kalaallit Nunaata nunarsuatsinni ilisimaneqarneranik naqissusiiffiusoq oktobarip 7-anni 2023-mi British Museumimi Londonimiittumi pivoq. Siorna Kalaallit Nunaat angusarissaarluni Wanderlustip atuartartuisa 50.000-usut toqqaanerisigut Emerging Destinationsimi takornariagassaqqissut qulit akornanni arfineq-aappaattut inissereersorlu ukioq manna ilumut takornariagassaqqissuusoq akissarsisitsinikkut naqissuserneqarpoq.
Kalaallit Nunaat tamanit takornariarneqarsinnaanngitsuusoq paasisassarsiorusuttunut takornariagassaavoq pinngortitarsuup nukeqassusianik taassumalu alutornartuutaanik, soorlu arsarnernik ilulissanillu, takusaqarnissamut periarfissiisoq.
Visit Greenlandip pisortaa Anne Nivika Grødem nassuiaavoq,
“Wanderlustimit akissarsiaritinneqartoq tulluusimaarutigaarput. Kalaallit Nunaata takornariarumaneqarneranut pinngortitarsua taassumalu pigisai, soorlu arsarnerit ilulissallu kusanangaartut, kisimik pissutaanngillat, aammali kulturi puilasutut ittoq eqqumiitsuliatigut, nerisassiatigut illinnartutigut sammisassaqartitsinertigullu immikkut ittutigut, soorlu qimussiussinertigut, nittarneqartartoq pissutaavoq.
Inuit oqaluttuamikkut ileqqutoqqamikkullu takornarianut tamanut pisuunnguallatsitsisarnerat takornariarfiunitta pingaarnersaraat. Taakkuninnga soqutiginnilluni peqateqarnikkut Kalaallit Nunaannut angalanerup pisuunnguallaataanera puigunaatsuuneralu puttallartinneqartutut ittarput.”
Maanna ingerlalluarneq issaannannguarlu Lonely Planetikkut saqqummiunneqarneq ilutigalugit Visit Greenlandip periusissiaminut naleqquttumik ineriartortitsinissi siunertaralugu suliniutit piujuartitsiniarnermik tunngaveqartut arlariit saqqummiuppai. “Our Pledge Towards Better Tourism” peqatigiilluni takorluugaasoq Kalaallit Nunaata takornariaqarfittut qanoq iliornikkut ineriartortinneqarnissaanik tikkuussisoq saqqummiunneqarpoq.
Pingaarutilik allat tassaavoq takornariat tikitamik tunniussinnaasaat nunap inuisa ilisimasaannik takutitsisoq qanoq iliorlutik atorluarsinnaaneraat. Takornariammi silarsuaq ukiuni hundredilikkuutaani pisunik tamanik paasissutissiisoq AI-ip issuarsinnaanngisaa iserfigisussaavaat. Tamatumuuna naqissuserneqarpoq nunap inuinut qanimut attaveqarnerup qanoq pingaaruteqartiginera.
Visit Greenlandip nammineerluni isiginnaagassiaa ‘’Greenland’s Authentic Intelligence’’ oktobarip qaammataani 2023-mi saqqummiunneqarpoq YouTube-kkullu isiginnaarneqarsinnaalluni.
Wanderlustip aaqqissugaata Reader Travel Awardsip ukiuisa 22-ssaanni akissarsisitsineq pillugu uani paasisaqarnerugit.
Tanny Por
Head of International Relations
+45 20 76 96 90
tanny@visitgreenland.com
Continues further down the page...