Neriuppugut ulluni pingasuni isumassarsisitsinartuni pissanganartunilu peqataareerlutit angerlamut apuulluarsimassasutit. Nalunngilarput ataatsimeersuaarnermi paasissutissanik nutaanik amerlasuunik pissarsiaqarnikuusutit, tamarmillu eqqaamanissaannut ajornarsinnaalluni. Taamaammat ilinnut ajornannginneruniassammat saqqummiussisimasut saqqummiussaat tamarmik katersornikuuagut, taamaalillutillu saqqummiunneqarsimasut pulaffiginerusinnaassavatit. Ataatsimeersuaarnermi peqataasimasut sammisassaqartitsinerillu assigiinngitsut pillugit eqqaamasannik nutarterinissamik pisariaqartitsissaguit assinik katersivitsinni atuisutut pilersitsisinnaavutit ataatsimeersuaarnermiillu assinik isiginnaarlutit.
Nalunngisatsitut ataatsimeersuaarnerup ullup aappassaani Træna Nord Norgeminngaanneersup saqqummiussinissaa taamaatiinnarniarlugu aalajangernikuuvugut. Soorunami isumassarsitinneqarnissannut periarfissamik salloqittagaassanngilatit, taamaammat linki aqqutigalugu Moa Bjørnsson-ip videot saqqummiussaanik aallersinnaanissannik neqerooruteqarpugut.
Ingerlaavartumik assinik, filminik apeqqarissaarnernillu Visit Greenlandip LinkedIn-ianut ikkussillattaajumaarpugut, taamaalilluta malinnaatissinnaavatsigit aammalu tassuuna qanoq ililluta suleqatigiilluta takornariaqarneq pitsanngorsarsinnaanerlugu oqallinneq nangissinnaallugu.
Neriuppugut katersuuteqqinnissarput ungasippallaassanngitsoq – taamaammat tullissaanut pitsanngorsaanissamut ikiortigut! Naliliinermi immersugassaq immersoruk siunissamilu aaqqissuinissatsinnut illit pisariaqartitannik kissaatinnillu naleqqussaasinnaanissatsinnut pitsanngorsaasinnaanissatsinnullu periarfissamik tunilluta.
Piffissami takkuttumi ilisimasat nutaat paasisallu amerlasuut ataatsimeersuaarnermi pissarsiagut timitalerlugit nunatsinnut iluaqutaasinnaasumik takornariaqarnermullu tapersiisinnaasumik iliuuseqarsinnaalissaagut. Suliaq una ingerlaavartumik siammartertarumaarparput, allanngoriartuinermilu illit suliffissuaqarnerlu tappunneqartarumaarpusi.
Visit Greenlandimi suleqatigiit sinnerlugit peqataaninnut qujaqqikkusuppunga, qilanaarpugullu takoqqinnissatsinnut!
Inussiarnersumik inuulluaqqusillunga
Pisortaq, Anne Nivíka Grødem
FAQ – Nannunik takusassarsiorneq
Scroll to top
