Qeqertarsuup Tunuata imartaa niperpassuaqarpoq. Maannakkullu arferit nipiliutai imminnullu attaveqarnerminni nipit atortagai, umiarsuit ingerlaarpaluttut, iluliarsuit aserorpaluttut tusarnaarsinnaalerpatit, nunarsuarmi sumiikkaluaruilluunniit uunga isernikkut https://diskolive.com/
Disko Live! tassaavoq ilisimatusarnikkut suliniut ilisimatusarneq inuiaqatigiillu attaveqartilerniarneranik siunertalik. Anguniagaq pingaarneq tassaavoq Issittumi silaannaap allanngoriartornerata peqqutigisaanik inuiaqatigiit Issittorlu paasisimasaqarfigineqarlutik pitsaasumik ilisimasaqarfigineqarnissaa.
Qeqertarsuup Tunuani immap iluani nipinik immiussineq ulloq unnuarlu ukioq kaajallallugu ingerlavoq. Nipit tusaaneqartut aallakaatinneqartut toqqorneqartarput uumasullu imarmiut nipai inuit nipiliutigisaannik sunnerneqarnersut malinnaavigineqarsinnaallutik. Naatsumik oqaatigalugu, uumasut imarmiut inuit nipiliutigisaasa qanoq sunnerneqarnersut malinnaavigineqarsinnaalerluni.
Kalaallit Nunaanni, Qeqertarsuup Tunua Issitumi uumasoqassuseq eqqarsaatigalugu uumasoqarluartuuvoq. Maannalu periarfissaalerpoq arfiviit immap iluani nipiliorneri tusaaneqarsinnaalernerat. Ussuit angutivissat nipiliorneri tusaaneqarsinnaapput iluattitsilluaruillu qilalukkat aammalu qilalukkat qaqortat avannamut ingerlaalernerisa nalaani eqqaqqussimasut tusaasinnaavatit. Juunimi qipoqqaat, tikaagulliit tikaagulliusaallu Qeqertarsuup Tunuani takkusimaalersarput nipaallu tusaalluarneqarsinnaapput.
Issittumi Atlantikullu Avannaani imarmiut uumasoqatigiit ukiup nikerarnerani Qeqertarsuup Tunuaniittartut pillugit takkusimaarfigisartagaat pingaaruteqarluinnartuuvoq. Assersuutitut taaneqarsinnaavoq Kalaallit Nunaanni arfiviit takkusimaartarfigisartagaannit tamanna pingaarnerpaavoq. Ukiut tamaasa januuarimiit juunimut arfiviit 500- 1000-llu akornanni amerlatigisut Qeqertarsuup Tunuaniittarput.
Qeqertarsuarmi Qaaqqaliami immap iluani nipinik tusarnaarsinnaarut uani iserfigineqarsinnaavoq https://diskolive.com/.
Suliaq piviusunngortinneqarsinnaasimavoq Qeqertarsuup illoqarfiata Angakkussarfik, Natural History Museum of Denmark, Visit Greenland aamma Pinngortitalerifiik suleqatiginerisigut.Suliniut Kronsprins Fredeerik aamma Kronprinsesse Maryp Aningaasaateqarfianit, Carlsbergip Aningaasaateqarfia, Aage V. Jensenip Aningaasaateqarfia aammalu Hotel Disko Islandimit aningaasaliisoqarnerisigut piviusunngorpoq.
Qeqertarsuaq, Qeqertarsuup Tunuanut ilaavoq Ilulissaniit angallammik quliminguulimmilluunniit tikikkuminartumiippoq, Ilulissat Qeqertarsuup Tunuani illoqarfiit pingaarnersaraat. København aammalu Keflavik aqqutigalugu Kalaallit Nunaannukarsinnaavutit.
Uumasut miluumasut timmissallu pillugit ilisimatusarnermi pingaarnertut suliaqartoq, Outi Tervo, [email protected].
Continues further down the page...
